Brıtanıalyq The Independent basylymy Máskeýde koronavırýstan qaıtys bolǵan myńdaǵan adam óliminiń tirkelmegenin málimdedi. Bul týraly Qamshy tilshisi habarlaıdy.

– Reseı jýrnalısi mamyr aıynda Máskeýde alty myńǵa jýyq adam qaıtys bolǵanyn habarlady, – dep jazdy brıtanıalyq basylym.  

The Independent-tyń aqparatynsha, «Eho Moskvy» radıostansıasynyń redaktory Alekseı Venedıktov Máskeýde qaza tapqandardyń sany 15 700-ge jetkenin jarıalaǵan. Bul úsh jyldyq ortasha kórsetkishten 60 paıyzǵa joǵary.

– Eger bul san shyn bolsa, resmı statısıkaǵa kúmán týady. Resmı statısıka boıynsha mamyr aıynda Covid-19 boıynsha 1474 ólim tirkelgen, – dep jazdy The Independent. Basylymnyń taldaý jasaýynsha, bul statısıkalar Máskeýde koronavırýstan ólgen myńdaǵan adamnyń tirkelmegenin bildiredi. 

Gazettiń aqparatyna sáıkes, Reseı buǵan deıin "resmı statısıka koronavırýstyq ólimniń naqty sanyn tómendetip kórsetken bolýy múmkin" degen málimdemege shamdanyp jaýap qaıtarǵan. Osy aptanyń basynda, CNN-ge bergen suhbatynda Kreml ókili álemdik tendensıalarǵa sáıkessizdik tek reseılik medısınanyń «tıimdiligine» baılanysty ekenin aıtqan.