Qazaqstanda koronavırýs juqtyrǵandar sany 41 myńnan asty

/image/2020/03/19/crop-6_5_275x489_crop-13_140_697x1239_135449909700.jpg

Qazaqstanda koronavırýs qatysty statısıkany jarıalap otyratyn coronavirus2020.kz saıty ótken táýlikte elde 1604 adamnan COVID-19 tabylǵanyn habarlady. 

Saıttyń dereginshe, vırýs juqtyrǵandardyń eń kóbi Qaraǵandy oblysynda tirkelgen. Bul óńirde 191 adamnan vırýs anyqtalsa, Batys Qazaqstanda 149 adam indetke shaldyqqan. Almaty jáne Nur-Sultan qalasynda da 100-den asa adamǵa vırýs juqqan.

Sońǵy resmı aqparatqa sáıkes, elde 41 055 adamnan koronavırýs tabylǵan. Osy ýaqytqa deıin olardyń 13558-i jazyldy, 188-i kóz jumdy. 

Qazaqstan bıligi elde koronavırýsqa baılanysty 16 naýryzda bastalyp 2 aıǵa jýyq  sozylǵan tótenshe jaǵdaı rejımin alyp tastaǵan soń vırýs juqtyrǵandar sany kún saıyn kóbeıip jatyr. Maýsym aıynyń basynan beri elde kúnine 1000-nan astam adamnan vırýs tabylyp júr. 

Dúnıejúzinde koronavırýs juqtyrǵandar 10 mıllıonnan asyp ketti. Olardyń 5,3 mıllıony indetten jazylyp shyqty, jarty mıllıonǵa jýyq adam qaıtys boldy.

 

 

Qatysty tegter :

Qatysty Maqalalar