Qazaqstandyq hokeıshi Bulbul Qartanbaeva AQSH-taǵy "Princeton Tiger Lilies" dep atalatyn áıelder hokeı klýbynyń bas bapkeri bolyp taǵaıyndaldy. Bul aqparatty Qazaqstandaǵy AQSH-tyń  elshiligi habarlady. 

"Qazaqstandyq Bulbul Qartanbaevany quttyqtaımyz. Búgin ol Amerıkanyń Nú-Djersı shtatyndaǵy "Princeton Tiger Lilies" hokeı klýbynyń bas bapkeri qyzmetine kiristi" dep jazdy elshilik Instagram paraqshasynda.

Bulbul Qartanbaeva hokeı sportyndaǵy eń tanymal lıga, UHL-niń (Ulttyq hokeı lıgasy)  áıelder lıgasynyń tarıhyndaǵy birinshi qazaqstandyq sportshy. Ol ótken jyly amerıkalyq "Metropolıten Rıveters" (red. qazir Nú-Iork Rıveters) klýbymen kelisimshartqa otyrǵan bolatyn.

Qartanbaeva Qazaqstanda – "Tomırıs" hokeı klýbynda oınaǵan, 2011 jyldan beri ulttyq qurama múshesi.