Statısıka boıynsha 2020 jyldyń 6 aıy men sońǵy 4 jylda pnevmonıamen aýyrǵan jáne qaıtys bolǵan naýqastardyń sany tómendedi. Aǵymdaǵy jyly óńirde 4937 adamda pnevmonıa tirkeldi. Onyń ishinde 79 adam qaıtys boldy. Soǵan qaramastan sońǵy tórt jylda pnevmonıa boıynsha ólim kórsetkishi 33% azaıdy.

Densaýlyq saqtaý basqarmasynyń derekterine súıensek, Shyǵys Qazaqstanda 2016 jyldyń 6 aıynda 5382 adam pnevmonıaǵa shaldyǵyp, onyń ishinde 117-i qaıtys bolǵan. 2017 jyly 6164 jaǵdaı tirkelip, 101 ólim faktisi tirkeldi. 2018 jyly bul kórsetkish tómendedi. 6138 adamnan pnevmonıa anyqtalyp, 95 naýqas qaıtys boldy. Ótken jyldyń 6 aıyndp 5991 adam pnevmonıadan jazylyp, ólim kórsetkishi 114-i qurady. Bıyl 4937 adam pnevmonıaǵa shaldyǵyp, 79 naýqas qaıtys boldy.

Álemdik pandemıaǵa baılanysty elimizde kovıdtik pnevmonıamen aýyrǵandar sany artty. Shyǵys Qazaqstan oblysynyń bas pýlmonology Zaǵrıpa Abdıevanyń aıtýynsha, oblystaǵy dárigerler pnevmonıany alǵashqy satysynda anyqtaýda. Óńirde 15 KT apparaty, 60 rentgen apparaty bar. Bul pnevmonıany alǵashqy satysynda anyqtap, naýqastarǵa em jasaýǵa múmkindik beredi. Bakterıaldy, vırýstyq, sańyraýqulaqtyq pnevmonıa túrlerin anyqtaýǵa bolady.

Medısına qyzmetkerleri Shyǵys Qazaqstan oblysynyń turǵyndaryn dúrbeleńge salynbaı, densaýlyqtaryna muqıat qaraýǵa shaqyrady.

Kompúterlik tomografıa apparattary táýlik boıy jumys isteıdi. Sonyń arqasynda pnevmonıanyń kez kelgen túrin anyqtap, em jasaýǵa múmkindik beredi.

SHQO aqparat ortalyǵy