Qazaqstan densaýlyq saqtaý mınıstrligi koronavırýs pen pnevmonıanyń zerthanada rastalǵan derekterin birge sanaý týraly sheshim qabyldady. Bul týraly ortalyq komýnıkasıalar qyzmetinde ótken brıfıńte aıtyldy.
Densaýlyq saqtaý mınıstri Alekseı Soı dúnıejúzilik densaýlyq saqtaý uıymy Eýropa búrosynyń mamandarymen keńese kele Qazaqstanda COVID-19-dyń rastalǵan derekteriniń statısıkasyn PSR-testte teris nátıje kórsetken, biraq klınıkalyq belgileri bar pnevmonıa statısıkasymen biriktirý týraly sheshim qabyldanǵanyn aıtty.
İndettiń halyqaralyq klassıfıkasıasynyń kody paıdalanylǵan biriktirilgen statısıka 1 tamyzdan bastap usynylady.
Mınıstr sondaı-aq 2020 jyldyń 1 qańtarynan 15 shildege deıin Qazaqstanda 234 187 adamnyń pnevmonıaǵa shaldyqqanyn málim etti. Bul byltyrǵy seıkes kezeńnen 3,3 esege kóp. Pnvmonıa juqtyrǵan 234 787 adamnyń 3327-i qaıtys bolǵan. Byltyr bul kezeńde 1 896 adam atalǵan aýrýdan kóz jumǵan.
Buǵan deıin DDSU, shetel jáne Qazaqstan ǵalymdary Qazaqstanda órship turǵan pnevmonıanyń is júzinde koronavırýs ekenin málim etken.
Keshe prezıdent Toqaev úkimetke pandemıa statısıkasyn birizdendirýdi tapsyrǵan.
Pikir qaldyrý