Almaty áýejaıyna ókpeni jasandy jeldetý apparaty jınaǵyn tasymaldaǵan ushaq kelip qondy. Ókpeni jasandy jeldetý apparatyn, indetpen kúresti qoldaý retinde, Qazaqstanǵa Beko turmystyq tehnıkasynyń eýropalyq brendi jiberdi.
Medısınalyq jabdyq Túrkıanyń aldyńǵy qatarly kásiporyndarymen yntymaqtastyqta jobalanyp, jasap shyǵaryldy. Olar qaýipsizdiktiń barlyq halyqaralyq talaptary men standarttaryna jaýap beredi.
Kompanıa ókilderiniń habarlaýynsha, bıyl kóktemde 120 ınjenerden turatyn top bar-joǵy 2 aptanyń ishinde Ystanbul qalasyndaǵy Arcelik Garage - ashyq ınovasıalyq ortalyǵynda apparattyń alǵashqy prototıpin jobalap, testileýden ótkizdi.
Maýsym aıynyń basyna qaraı onyń Cerkezkoy electronics ortalyǵynda komersıalyq negizde el ishine jáne odan tys jerlerge berý úshin 5000 apparat jasap shyǵaryldy. Osy ıgi bastama sheńberinde 5 apparatty Qazaqstan aldy.
Ókpeni jasandy jeldetý apparattary kedendik tekserýden ótip, Qalalyq jedel shuǵyl kómek kórsetý aýrýhanasyna berildi.
