Almatyda ótken onlaın brıfıń barysynda ınfeksıonıst dáriger Tamara Ýtaǵanova koronavırýsten emdeý týraly el arasyndaǵy alyp qashpa sózderge túsinikteme berdi.

«Koronavırýs tuzdy sýda óledi degen kóp aıtylyp júr. Ol jalǵan aqparat. Bul vırýs tek antıseptık pen dezınfeksıalyq quraldardyń barlyǵynan óledi. Qazir Qazaqstannyń ózinde emdeý hattamasynyń 11 redaksıasymen emdep jatyrmyz.

Emdeý hattamasy búkil álem boıynsha jınalǵan tájirıbe, úırengen mashyqtar, dárilerdiń qoldaný tájirıbesi, dıagnostıkalyq quraldardy qoldaný tájirıbesi jınaqtalǵanda ózgerip otyrady. Qazir Qazaqstandavırýsqa qarsy terapıa qaıta qaralǵany ras. Buryn DDU usynǵan «Gıdrokslıohlorohın», «Lapınovır» preparattaryna qazir tyıym salynǵan. Onyń ornyna «Remdesıvır», «Favıpırovır» preparattary qosyldy», - dedi T.Ýtaǵanova