Almatyda 20 shildeden bastap karantın kúsheıtildi. Búgin Elektrondy úkimet portalynda Almaty qalalyq bas sanıtarlyq dárigeriniń qaýlysy shyqty.

Qalanyń Bas memlekettik sanıtarlyq dárigeri Jandarbek Bekshın niń qaýlysyna sáıkes Almaty qalasynyń aýmaǵynda 2020 jyldyń 20 shildesi saǵat 00.00-den bastap qatań shekteý sharalary engiziledi.

Qalaaralyq avtobýs tasymaly toqtatylady. Qala mańyna qatynaıtyn avtobýstaǵy jolaýshy sany 50%-dan aspaýy tıis. Qalalyq qoǵamdyq kóliktiń, onyń ishinde Metropolıtenniń 50%-dan aspaıtyn toltyrylýymen jumysyn qamtamasyz etý júktelgen.

Senbi jáne jeksenbi kúnderi qaladaǵy qoǵamdyq kólik, qala mańyna qatynaıtyn avtobýs, metropolıten jumysy tolyq toqtatylady.

Qoǵamdyq kólik árbir reıs saıyn dezınfeksıa jasaý qamtamasyz etilýi tıis. Tómendegi sharalarǵa tyıym salynady:

• menshik nysanyna qaramastan barlyq uıymdarda jınalys, keńes, konferensıa, forým, semınar, sıez, kórme, trenıń, oqytý kýrsy jáne adam kóp jınalatyn basqa da is-sharalardy, sondaı-aq otbasylyq sharalardy (banket, úılený toıy, mereıtoı, eske alý t.b.), sonyń ishinde úıde jáne dalada adam kóp jınalatyn basqa da is-sharalardy ótkizýge tyıym salynady;
• mádenıet obektiler, murajaılar, teatr, kórme jáne adamdar kóp jınalatyn basqa da obektilerdiń qyzmetine tyıym salynady;
• dinı nysandar (meshit, shirkeý, sınagoga jáne t. b.) qyzmetin toqtatylady; 
• balalar lageri, bilim berý ortalyqtary, balalardyń túzetý kabınetteri, mektepke deıingi balalar mekemeleriniń (kezekshi toptardan basqa), balalardyń qosymsha oqytý oryndarynyń qyzmetine tyıym salynady; 
• Ulttyq olımpıadalyq komıtet akkredıttegen sport bazalaryn sanamaǵanda, barlyq sport nysagdarynyń (sport alańy, keshen, úıirme, seksıa, baseın jáne t. b.) qyzmetine tyıym salynady; 
• qalanyń tynys-tirshiligin qamtamasyz etetin uıym men kásiporyn qyzmetkerleriniń turatyn obektisin qospaǵanda, kúsheıtilgen sanıtarlyq-dezınfeksıalyq rejımdi saqtaı otyryp, halyqtyń (qonaq úı, demalys úıi, týrısik baza jáne t.b.) turýy boıynsha qyzmet kórsetý salasyndaǵy týrızm obektileri men uıymdardyń qyzmetine ruqsat berý. Osy nysandardy medısınalyq uıym etip qaıta beıindeýge jol beriledi;
• 65 jastan asqan adamdardyń qozǵalysyn shekteledi; 
• kóliktiń kez kelgen túrimen ulttyq saıabaqtardyń, tanymal týrısik jáne taý nysandarynyń (Medeý, Býtakovka, Alma-Arasan, onyń ishinde radon bulaǵy) aýmaǵyna barýǵa tyıym salynǵan. Demalys kúnderi (senbi jáne jeksenbi) ulttyq saıabaq jabyq. Jaıaý serýendeýge tek jumys kúnderi kelesi erejelerdi saqtaı otyryp ruqsat etiledi: tamaq (sýsynnan basqa) alyp ótýge, pıknık jasaýǵa jáne ot jaǵýǵa úzildi-kesildi tyıym salynady; parktiń aýmaǵynda úsh adamnan astam toptanýǵa tyıym salynǵan. Áleýmettik qashyqtyq, sanıtarıalyq talapty saqtaý.
• 3 adamnan aspaıtyn jeke nemese bir otbasy múshelerin qospaǵanda, tabıǵatqa ekskýrsıalyq, korporatıvtik, toptanyp barýǵa tyıym salynǵan; 
• saýda-oıyn-saýyq ortalyqtarynyń, saýda úıleriniń, saýda jelileriniń, olarda ornalasqan azyq-túlik sýpermarketterin, dárihanalardy jáne jazǵy terrassalary men jeke kiretin esigi bar stasıonarlyq tamaqtaný obektilerinen basqalardyń qyzmetine tyıym salynady;
• oıyn-saýyq mekemeleriniń (karaoke, kalán, bılárd, kompúter klýby, býkmekerlik keńse, túngi klýb, boýlıń, atraksıon, balalardyń oıyn alańdary, batýt jáne basqalar), kınoteatrlar qyzmetine tyıym salynǵan;
• fýdkorttar, banket zaldarynyń qyzmetine tyıym salynady;
• kúsheıtilgen sanıtarıalyq-dezınfeksıalyq rejımdi saqtaı otyryp, ujymdyq is-sharalardy ótkizbeı, ashyq aýada 30 otyratyn orynnan aspaıtyn qoǵamdyq tamaqtaný obektisiniń qyzmetine ruqsat berilgen, jumysy saǵat 22.00-ge deıin shekteledi. Taǵamdy alyp ketýge jáne jetkizýge ruqsat etiledi;
• kosmetıkalyq jáne kosmetologıalyq qyzmet kórsetetin SPA-ortalyqtardyń, trenajer zalynyń, fıtnes-ortalyqtyń, sporttyq-saýyqtyrý ortalyǵynyń, baseın, jaǵajaıdyń, akvapark, qoǵamdyq monshanyń, saýnanyń, sulýlyq salonynyń, shashtaraz, manıkúr men pedıkúr qyzmetiniń, massaj kabınetiniń qyzmetine tyıym salynady;
• jabyq azyq-túlik jáne azyq-túlik emes bazarlary jumys istemeıdi;
• jetkizýdi qospaǵanda, aýdany 500 sharshy metrden úlken azyq-túlik emes dúkenderdiń qyzmetine tyıym salynǵan.

Tómendegi qyzmet uıymdaryna ruqsat beriledi:

• QR Ulttyq bankiniń jáne QR Qarjy naryǵyn retteý jáne damytý agenttiginiń aktisine sáıkes ýaqyty men sany boıynsha shekteýli Qarjy naryǵy sýbektileriniń qyzmetine ruqsat berý; 
• qyzmetkerlerdiń keminde 50%-yn qashyqtan jumys rejımine aýystyra otyryp jáne kúsheıtilgen sanıtarıalyq-dezınfeksıalyq rejımdi saqtaı otyryp, onlaın formatta barynsha qyzmet kórsete otyryp, Halyqqa qyzmet kórsetý ortalyqtarynyń jumysyn saǵat 09.00-den 16.00-ge deıin uıymdastyrý;
• kúsheıtilgen sanıtarıalyq-dezınfeksıalyq rejımdi saqtaı otyryp, onlaın rejımde kórsetilmeıtin qyzmetter úshin jumys kúnderi saǵat 8.00-den 14.00-ge deıin jumys kestesin belgileı otyryp, «Qazposhta» AQ jumysyn uıymdastyrý;
• úzdiksiz óndiristik sıkli bar ónerkásiptik kásiporyndardyń qyzmeti; kúsheıtilgen sanıtarıalyq-dezınfeksıalyq rejımdi saqtaı otyryp, ashyq aýadaǵy qurylys jumystary;
• kúsheıtilgen sanıtarıalyq-dezınfeksıalyq rejımdi saqtaı otyryp, halyqqa baılanyssyz qyzmet kórsetý jónindegi obektilerdiń (avtomobıl jýý, avtomobılderdi, turmystyq tehnıkany jóndeý, hımıalyq tazalaý jáne basqalar) qyzmetin saǵat 10:00-den 17:00-ge deıin shekteý;
• jumys jáne demalys kúniniń kestesin belgileı otyryp, bıznes ortalyqtardyń (saqtandyrý kompanıalary, notarıýs, býhgalter jáne konsaltıń, jyljymaıtyn múlik jónindegi agenttikter, jarnama agenttikteri jáne t. b.), aıyrbastaý pýnktiniń, lombardtyń jumysyn saǵat 9.00-den 17.00-ge deıin uıymdastyrý;
• aımaqtaý talaptaryn jáne kúsheıtilgen sanıtarıalyq-dezınfeksıalyq rejımdi saqtaı otyryp, medısınalyq ortalyqtardyń (jazba boıynsha) qyzmetine ruqsat berý;
• kúsheıtilgen sanıtarıalyq-dezınfeksıalyq rejımdi saqtaı otyryp, dárihanalardyń, azyq-túlik dúkenderiniń (shaǵyn marketter, sýpermarketter, gıpermarketter), azyq-túlik jáne azyq-túlik emes bazarlardyń (ǵımarattardan tys) qyzmetine ruqsat berý.
• tehnıkalyq jáne medısınalyq ottegin óndirýshiler qalalyq aýrýhanalardy úzdiksiz medısınalyq ottegimen jabdyqtaýda birinshi kezekte jáne basymdyqty qamtamasyz etsin.
• keminde 80% qyzmetkerin qashyqtyqtan jumys nysanyna aýystyrý (shtat birliginde qyzmetkeri 30-dan asatyn bolsa);
• áleýmettik qashyqtyqty jáne kúsheıtilgen sanıtarıalyq-dezınfeksıalyq rejımdi saqtaý, aımaqtarǵa bólý talaptaryn saqtaı otyryp, aldyn ala jazylý boıynsha qyzmetter kórsetý;
• ashyq aýada jeke jattyǵýlarǵa ruqsat;
• óńirler arasynda jeke avtokóliktiń júrip-turýyna ruqsat berý. Qala turǵyndaryna jumys jáne qoǵamdyq oryndarda (saýda obektileri, kóshe, saıabaq, áýejaı jáne t. b.), qoǵamdyq kólikte maska rejımin jáne áleýmettik qashyqtyqty saqtaýy qajet; Týǵan kún, mereıtoı, toı sekildi kóp adam shaqyrylatyn kez kelgen sharany ótkizýge tyıym salynady.

Osy qaýly 21 shildede 00 saǵat 00 mınýttan bastap kúshine enedi.