Mahabbatta mylqaý bolý - myqtylyq

    Darkhan Muqantegi
    Mahabbatta mylqaý bolý - myqtylyq

    Únsizdik  romantıkasy

    Birinshi jyr

    Aı – tilimen aıyqtyrar jaradan ,

    Ógiz – aspan taýdyń basyn jalaǵan

    shaq edi bir ...

    Qalqam maǵan qaraǵan ,

    Kirpigimen túnniń shashyn taraǵan .

     

    Armanyńdy aqtarýǵa asyq dep ,

    Qashady ózen maǵan marjan shashyp tek .

    Kók aspandy tar sanaǵan kóp juldyz ,

    janaryńa súńgip jatty qashyp kep!

     

    Uqsadyń ba adasqan bir botaǵa ?

    Jelmaıa – bult jetti jelip , o,toba !

    Aıtylmaǵan ánimizdi aǵashta ,

    Bulbul únsiz túsirýde notaǵa !

    Tisim balqyp ,

    Jabysqandaı máńgi erin ,

    Qanttaı bir tátti mylqaý qalde edim .

    Jel úrlegen burymyńnyń ushyna ,

    Sozyp kele jatty baıaý tań qolyn ...

     

    Tek únsizdik máńgiliktiń turaǵy ,

    Qos beınemiz túnderde áli turady .

    Júregime túsken taýdaı ájimnen ,

    Asa almaı keledi sol kún áli ...

    Ekinshi jyr

    Tek únsizdik aıta alatyn uqtyryp ,

    Mahabbatta mylqaý bolý - myqtylyq .

    Túıip saqtap júrmin tátti syrymdy ,

    Qyzyl tildi qyzyl torǵyn shyt qylyp ...

     

    Únsiz ǵana eljireshi ,eligim ,

    Onsyz daǵy sóz jelinen jeridim .

    Ǵashyq  jandar perishte ǵoı ,

    Perishte

    til qatady qybyrlatpaı erinin !

     

    Basymdaǵy arqar -arman aýa ma ?

    Daýysyńdy ber tek sońǵy daýaǵa ...

    Oqyp turdym jan syryńdy janaryń ,

    Kirpigińmen jazǵanynda aýaǵa !

     

    Jylap turyp bir jarq etip, jáı tynǵan ,

    Áli alyp júr aq sáýlesin aı tunǵan .

    Máńgiliktiń qulaǵyna jeter tek ,

    Aq sezimder únsiz tilmen aıtylǵan !!...

     

    Ana

     

    Kózinen tamdy-aý bir tamshy ,

    Elesi ol da ulynyń .

    Kári attaı búgin qyrshańqy ,

    Keshegi erke qulynyń .

     

    Arttaǵy men de, qart ana ,

    El jaıyn oılap egilem .

    Butaǵyn saptap baltaǵa ,

    Keserdeı dińin sonymen ...

     

    Qyzǵaldaq gúldiń qutty jyl

    Teretin bizder baıaǵy –

    Kúlteleri qyp-qyzyl

    Kózimnen jas bop tamady .

     

    Syrlasy qylǵan aq qusty ,

    Eliktep edim asqarǵa –

    Jyl boıy aq qar - páktikti

    Kóterip turar aspanǵa .

     

    Jasyńdy kózden tamar myń ,

    Qulynym qashan keler dep –

    Jyrymmen tosyp alarmyn ,

    Qolymnan basqa ne kelmek ?...Arttaǵy men de ,qart ana ,
    El jaıyn oılap egilem .
    Butaǵyn saptap baltaǵa ,
    Keserdeı dińin sonymen ...

    Qyzǵaldaq gúldiń qutty jyl
    Teretin bizder baıaǵy –
    Kúlteleri qyp-qyzyl
    Kózimnen jas bop tamady .

    Syrlasy qylǵan aq qusty ,
    Eliktep edim asqarǵa –
    Jyl boıy aq qar - páktikti
    Kóterip turar aspanǵa .

    Jasyńdy kózden tamar myń ,
    Qulynym qashan keler dep –
    Jyrymmen súrtip alarmyn ,
    Qolymnan basqa ne kelmek ?...

    *******

    Alman satyp bir ǵazalǵa ǵasyrdy ,

    Máńgilikke mármár qaqpa ashyldy .

    Ýaqytqa tize búkpen aq týdaı

    jelbiretip appaq kúmis shashymdy .

    Aınaldyryp jyrdy sheksiz aspanǵa ,

    Janarymnan san myń juldyz shashyldy .

     

    Iirse de jyldar júz jyl urshyǵyn ,

    Qıalymnyń qısaıta almas qylshyǵyn.

    Janym ashyp jetim kúshik – jelge de ,

    Úıshik qylyp berdim júrek jyrtyǵyn .

    Beınesin kórdim taýdan beıýaq ,

    Keńistiktiń salbyraǵan urtynyń .

     

    Kerdeń basqan erbeńdetip qoldaryn ,

    Kórip qalam kúnniń daǵy tońǵanyn .

    Erip keled etegimdi ıiskelep ,

    Jetim qozy sekildenip joldarym .

    Aqyn bolý – shanshyp qalam ushyna

    Otqa qaqtap ótý eken óz janyn .

     

    Ot tamyzyp oıym jıar otynnan ,

    Ómirden de ońashalaý otyrǵam .

    Kári aspan da kempirqosaq – ájimin ,

    Túrli-tústy boıaýymen jasyrǵan .

    Ólsem,eger , aq kebinge oranam ,

    Ýaqyttyń aq shashynan toqylǵan ...

     

    Ámirhan Balqybekke

     

    Búgin jaryq jylynan da uzyn kún,

    Eski arbadaı kóńilim myń buzyldyń .

    At tuıaǵyn taı basqanmen,

    Tulpardyń

    Toltyra alar taý ornyndaı izin kim ?

     

    Qoǵadaıyn jel – zamanǵa bas urǵan,

    Aqyndar júr ulpa– mıy shashylǵan .

    Ne dármen bar ?!?

    Qarap turmyn ...

    Aı – arý

    Barady ólip qus jolyna asylǵan!

     

    Úlpildegen kekilindeı qulynnyń,

    Keleshekke keldi tas bop urylǵym .

    Alyp qala almady ma ómirde

    Tútini orap sońǵy dosyń – shylymnyń?! ...

     

    Qudiretten qurtqa aınaldyq jybyrlaq,

    Yqylyqqa ulasýda myń yrǵaq .

    Eń sońǵy ret soǵystyrǵan ózińmen

    Bokalymdaı barad mıym shyńyldap!

     

    Mynaý sheksiz keńistikti jasqaǵan,

    Ketti úzilip bóri únindeı asqaq án .

    Seni izdeımin Almatynyń qap-qara

    Kóshesinen qara túnge bastaǵan!

    **********

    Qara tastaı kózime tún basyldy,

    Tıa almadym sonda da kóz jasymdy .

    Jaýlyq syndy basyńa ózge oraǵan,

    Qysyp jatyr aspan meniń basymdy!

     

     

    Súıip turyp súıgendigin jasyrǵan,

    Mineziń bar aınymas bul ǵasyrdan .

    Kóz aldymda turyp aldy appaq aı,

    Anaryńdaı jat bireýge ashylǵan!

     

    Ótti-ketti ...

    Bári jalǵan, bári shyn .

    Nanmen birge jelinedi namysym!

    Aqqan júldyz – ótken kúnge belgi qyp

    Kók teńizge laqtyrǵan aq qanytym ...

     

    Quıǵa túsip qalǵanyndaı qulynnyń,

    Umytylar bári-bári, uǵyndym .

    Men otyrmyn aı -anaryn ashylǵan,

    Tútinimen búrkep qoıyp shylymnyń .

    Qalaý Sálemetbaıuly

     

    Qatysty Maqalalar

    JAŃA KİTAPTYŃ TUSAÝY KESİLDİ

    JAŃA KİTAPTYŃ TUSAÝY KESİLDİ

    10:56, 05 qarasha 2026
    Dáýir bıiginen estilgen jyrlar

    Dáýir bıiginen estilgen jyrlar

    22:02, 19 tamyz 2026
    Mahambet-Maǵjan ólmepti!

    Mahambet-Maǵjan ólmepti!

    14:19, 10 aqpan 2026