Almaty qalasynyń óńirlik komýnıkasıalar qyzmetiniń alańynda ótken onlaın ıntervú barysynda Almaty onkologıalyq ortalyǵynyń dırektory Nursultan İzmaǵambetov dezınfeksıa pnevmonıanyń sebebi bolýy múmkin degen aqparatty joqqa shyǵardy.

«Biz aýrýhanalarda mindetti túrde ómir boıy dezınfeksıalyq quraldardy paıdalanamyz. Aýrýhana ishinde ınfeksıa bolmaýy úshin. Eden jýatyn sanıtarlar. Jumys rejımi aıaqtalǵannan keıin kabınetterdi dezınfeksıalaıtyn medbıkeler. Personal, barlyǵy birdeı pnevmonıamen aýyrmaıdy ǵoı. Biz osy dezınfeksıalyq quraldardy 20 jyl paıdalanyp kelemiz. Hlormen de. Osydan keıin personal pnevmonıamen aýyrǵan bolsa,odan keıin jumys isteýge kelisýi ekitalaı», — dedi Nursultan İzmaǵambetov.

Ol podezder, lıftter, jabyq ǵımarattarǵa dezınfeksıa jasaý kerektigin aıtty. Sebebi sóılesý, túshkirý kezinde bólinetin vırýs baspaldaq tutqalarynda, qabyrǵalarda, lıft batyrmalarynda qalýy múmkin.

Eske sala keteıik, Almatyda kópshilik oryndarda, medısınalyq mekemelerdiń aýmaǵynda, saýda nysandarynda, kópqabatty turǵyn úılerdiń podezderi men aýlalarynda jáne basqa da adamdar kóp jınalatyn oryndarda dezınfeksıalyq óńdeý júrgiziledi. Kireberister men aýlalardy dezınfeksıalaý úshin «Glúzamın» jáne «Akma-Hlor» degen 2 túrli dezınfeksıalyq qural qoldanylady. Bular otandyq óndiristegi tekserýden ótken, QR Kedendik Odaǵynyń sanıtarlyq-gıgıenalyq talaptaryna sáıkes keletin preparattar. Olar óndirilýine, júzege asyrylýy men paıdalanylýyna ruqsat etilgen preparattar reestrine tirkelgen. Atalǵan quraldar bakterıalar, vırýstar, qyshymalarǵa qarsy tıimdi, qaýiptiligi tómen 3 topqa jáne qaýiptiligi az zattardyń 4 tobyna jatady, titirkendirý áreketi joq jáne adamdar úshin, janýarlar jáne qustar úshin zıany joq.

Anyqtama úshin: dezınfeksıa úshin «Akma-Hlor» quramy bakterıaǵa qarsy qasıetke ıe, sonymen birge, erekshe qaýipti ınfeksıa qozdyrǵyshtaryna, sonymen birge, aýrýhana ishindegi ınfeksıalar qozdyrǵyshtaryn, metısıllen-rezıstentti stafılokokk, vankomısın-rezıstentti enterokokk, kókirińdi taıaqsha, týberkýlezdi, sonymen birge, Mycobacteriumterrae, vırýlısıdti, sondaı-aq, enteraldi jáne parenteraldi gepatıt (sonymen birge, A, V jáne S gepatıtteri), JITS, polıomıelıt, adenovırýstar, enterovırýstarǵa, rotavırýstarǵa, «atıpıalyq pnevmonıa» vırýstaryna (SARS), H5N1 «qus» tumaýyna, A/H1N1 «shoshqa tumaýyna», adam tumaýyna, gerpes jáne basqalary), fýngısıdke qarsy qoldanylady.

«Akma-Hlor» quraly óte ýlylyǵyna qaraı ishke engizilgen kezde qaýiptiligi tómen 3 topqa jáne terige jaǵý kezinde qaýiptiligi az 4 topqa jatqyzylady. Ýlylyq parametrleri konsentratqa qatysty belgilengen, kóppáterli turǵyn úılerdi óńdeý úshin paıyzy tómen eritindi qoldanylady.

Atalǵan quraldy ǵımarattardyń qatty jıhazdaryna, aspaptardyń syrt jaqtaryna, apparattardyń syrtqy betki qabattaryna profılaktıkalyq, oshaqtyq dezınfeksıa júrgizý úshin qoldanylady. Dezınfeksıany súrtý, sýarmalaý, batyryp qoıý, ezý tásilderimen júrgiziledi. Kóppáterli turǵyn úılerdi óńdeý úshin sýarmalaý tásili qoldanylady. Dezınfeksıa jasalǵannan keıin 3-5 saǵat boıy páterden shyqpaý usynylady. Basqarý organdarymen dezınfeksıa aıaqtalǵannan keıin podezderdi jeldetý qajettigi aıtylyp, túsindiriledi.