Búgingi kúni Almaty qalasynyń ákimdigi megapolıstiń medısınalyq uıymdaryn jeke qorǵaný zattarymen qamtamasyz etý úshin jan-jaqty sharalardy júzege asyrýda.

Mysaly, EURASIAN MACHINERY kompanıasy Almatyda koronavırýs ınfeksıasynyń taralýyna qarsy kúres aıasynda qalanyń medısınalyq uıymdaryna 2,5 myń jeke qorǵaný zattaryn berýde.

Bul jeke qorǵaný zattary Almaty qalasyndaǵy medısınalyq uıymdarǵa bólinetin bolady. Keshendi zattar ishinde oba aýrýyna qarsy bir rettik kostúmder, maskalar, qolǵaptar, kózáınekter bar.

«Bizdiń kompanıada muqtaj jandarǵa kómek kórsetý jóninde arnaıy baǵdarlama jasalǵan. Sondyqtan bizdiń COVID-19-ǵa qarsy kúreste belsendilik tanytqymyz keledi. Bul gýmanıtarlyq kómek shaǵyn, biraq koronavırýsqa qarsy kúreske qosqan úlesimiz bolyp tabylady», — dedi EURASIAN MACHINERY kompanıasynyń dırektory Mehmet Irende.

Eske salsaq, keshe Dolce-Pharm otandyq farmkompanıasy bıznestiń áleýmettik jaýapkershiligi aıasynda 100 myń maska berdi, olar shahardaǵy 23 medısınalyq mekeme arasynda bólinip, taratylady.