Almaty qalasynyń ákimi Baqytjan Saǵyntaevtyń tapsyrmasy boıynsha aǵymdaǵy jyldyń 2 qarashasynan bastap Almatyda qarttar men balalarǵa úıde profılaktıkalyq medısınalyq tekserý júrgiziledi.

Profılaktıkalyq medısınalyq tekserý negizinen aýrýlardyń formalaryn erte anyqtaýǵa baǵyttalǵan halyqqa belsendi medısınalyq kómek kórsetýdiń bir túri bolyp tabylady.

Almaty qalasy Densaýlyq saqtaý basqarmasy basshysynyń m.a. Janar Madeeva atap ótkendeı, TJ rejımi men karantın kezinde profılaktıkalyq tekserýler júrgizilmegendikten, COVID-19 ekinshi tolqynyna daıyndyq aıasynda halyqtyń eń osal toptaryna profılaktıkalyq tekserýler uıymdastyrý týraly sheshim qabyldandy. Birinshiden, bul úlken jastaǵy adamdar (65 jastan asqan), olardyń arasynda arterıaldy gıpertenzıa, sozylmaly obstrýktıvti bronhıt, qant dıabeti jáne t. b. sıaqty sozylmaly aýrýlary bar naýqastar kóp.

"Árbir alǵashqy medısınalyq-sanıtarlyq kómek kórsetý uıymynda jalpy tájirıbe dárigeri, nevropatolog, kardıolog, otolarıngologtan turatyn mýltıdısıplınarlyq komandalar quryldy, olar qart adamdardy úıde qarap, qant, holesterın deńgeıin anyqtaıdy, EKG jasaıdy. Bul qajet bolǵan jaǵdaıda emdeýdi túzetýge nemese stasıonarlyq emdeý úshin kórsetkishterdi anyqtaýǵa múmkindik beredi, - dep atap ótti J.Madeeva. - Jasy úlken toptaǵy 80 myńǵa jýyq adamdy qamtý josparlanýda".

Budan basqa, balalardyń uzaq ýaqyt boıy qashyqtan oqyp jatqandyǵyn jáne emhanalarǵa is júzinde barmaıtyndyǵyn eskere otyryp, Almaty ákimdigi 0-16 jas aralyǵyndaǵy balalardy profılaktıkalyq tekserýden ótkizý týraly sheshim qabyldady. AMSK-de balalardy profılaktıkalyq tekserý úshin pedıatr, nevropatolog, okýlıs, otolarıngolog, balalar hırýrgi dárigerlerinen quralǵan mýltıdısıplınarlyq komandalar quryldy. Qajet bolǵan jaǵdaıda taldaý úıde júrgiziledi. Shamamen 100 myńǵa jýyq balany qamtý josparlanýda. Áleýmettik qorǵalatyn otbasylardaǵy balalarǵa, múmkindigi shekteýli balalarǵa basa nazar aýdarylady.

Qazirgi ýaqytta AMSK uıymdary nysanaly toptardyń tizimderin jasaıdy.

Almaty qalasynyń óńirlik komýnıkasıalar qyzmetiniń alańynda ótken onlaın-suhbat barysynda №8 qalalyq emhananyń bas dárigeri Farıda Aǵybaeva nysanaly toptardyń tizimi qalyptastyrylǵanyn, profılaktıkalyq tekserý júrgizý kestesi bekitilgenin, pedıatr, nevropatolog, otolarıngolog, kardıolog, oftalmolog, balalar hırýrginen quralǵan mýltıdısıplınarlyq komanda bekitilgenin habarlady.

Qabyldaý kezinde jáne aýlalardy aralaý kezinde ýchaskelik dárigerler men medbıkeler jeke gıgıena erejelerin qatań saqtaý, qoldy jıi jýý, medısınalyq maskany qoldaný erejeleri, áleýmettik qashyqtyq, balalardyń adamdar kóp jınalatyn oryndarǵa, úlken oıyn alańdaryna barýyn boldyrmaý týraly turaqty aqparattyq-túsindirý jumystaryn júrgizedi.

"Emhanada patronajdyq qyzmet kórsetýdiń ámbebap progresıvti modeline sáıkes patronajdyq medbıkeniń erte jastaǵy balalarǵa, onyń ishinde bosanǵanǵa deıingi kezeńge "úıge baryp tekserý" ótkizý júıesi engizildi. Pasıenttiń otbasymen onyń jeke ortasynda kezdesý mamanǵa problemalardy túsinýge jáne durys sheshim qabyldaýǵa erekshe múmkindik beredi", - dedi bas dáriger.

Osylaısha, №36 emhanada 2,5 myń adamdy, onyń ishinde 1,5 myńy - 16 jasqa deıingi balalar, qalǵandary-dıspanserleýdi qajet etetin 65 jáne odan joǵary jastaǵy adamdardy profılaktıkalyq tekserýmen qamtý josparlanǵan.

Mobıldi top kezekti sapar barysynda úıge barý júıesimen tolyǵyraq tanystyrdy. Naýryzbaı aýdanynda ornalasqan №36 emhananyń bas dárigeri Gúljaınat Tilegen bul prosedýra jyl boıy skrınıngten ótpegen halyqtyń basym bóligin qamtýǵa múmkindik beretinin atap ótti.

"65 jáne odan joǵary jastaǵy halyqty, sondaı-aq 16 jasqa deıingi balalardy josparly dıspanserleýge baılanysty, ýchaskelik dárigerler men arnaýly mamandardan turatyn 2 mobıldi brıgada quryldy. Bul aksıa erte jastan qandaı da bir patologıany anyqtaýǵa, sondaı – aq, koronavırýs ınfeksıasyn juqtyrý kúdigi bar jáne onymen aýyrǵandardy anyqtap, olardy úıde qarap, tıisti em berip, monıtorıńtik baqylaýǵa alýymyzǵa múmkindik beredi", - dep atap ótti ol.

Aldyn ala tekserýden ótken Naýryzbaı aýdanynyń turǵyndary Altaı Qurmanbaev pen Qatıpa Jıenshına da osy rásimniń yńǵaıly ekendigin atap ótti.

"Bizdiń emhana jaqyn jerde ornalasqan, biraq dárigerler óz quraldarymen keldi, tekserdi. Búgin olar kúıeýimnen elektrodıagrammany alyp tastady, olar meniń qan qysymymdy tekserdi, qantqa taldaý jasady, kóz qysymyn tekserdi. Dárigerler sizdiń jaǵdaıyńyzdy tekserip qana qoımaı, qart adamdarǵa ne qajet ekenine nazar aýdarady. Dárigerlerge alǵys aıtyp, olardyń eńbeginiń árdaıym aqtalýyn tileımin", - dedi Q. Jıenjına