Almaty oblysynyń ákimi Amandyq Batalov prezıdent janyndaǵy ortalyq komýnıkasıalar qyzmetiniń alańynda ótken brıfıńte Uıǵyr aýdanynyń atyn ózgertý máselesine pikir bildirdi.
– Jumys istelip jatyr. Biraq bul másele kún tártibinde turǵan joq. Nege? Sebebi qazir naýqan (májilis saılaýy - red.) bastalǵaly jatyr. Biz saılaýshylardyń, saılaý ýchaskeleriniń tizimin naqtyladyq. Kóshelerdiń ataýyn ózgertý bastamasy kóterildi. Qazir saılaýshylardyń turatyn jerleriniń ataýyn ózgertýge bolmaıdy. Saılaý ótkennen keıin bul máselege oralamyz. Sol kezde sheshimdi sizderge jetkizemiz, – dedi Almaty oblysynyń ákimi.
Bıyl maýsym aıynda Almaty oblysy Uıǵyr aýdanynda jergilikti qazaq jáne uıǵyr jastary tóbelesip, saldarynan 5 adam pyshaq jaraqatyn alǵan.
Oblys basshylyǵy daýdy jolǵa talasqannan shyqqan turmystyq sıpattaǵy janjal" degenimen, turǵyndar tóbeles astarynda túıini tarqatylmaǵan talaı túıitkil bar ekenin aıtqan.
Janjaldan soń aýdannyń qazaq turǵyndary Uıǵyr aýdanynyń ataýyn ózgertý máselesin kótergen. Aýdanǵa kelgen oblys basshysy Amandyq Batalov turǵyndarmen kezdesip, olardyń aýdan ataýyn ózgertý talabyn joǵaryǵa jetkizetinin málimdegen.
Pikir qaldyrý