Memleket basshysy Qasym-Jomart Toqaev joǵarǵy sot tóraǵasy Jaqyp Asanovty qabyldady. Bul týraly Aqorda saıty habarlady.

Qazaqstan prezıdentine sot júıesine ákimshilik ádilet mehanızmin engizý barysy jaıynda málimet berildi. Sondaı-aq Qasym-Jomart Toqaevqa jańa sýdıalardy irikteý júıesin jaqsartýǵa, sot praktıkasynyń birizdiligin qamtamasyz etýge jáne sot isin júrgizý sapasyn arttyrýǵa baǵyttalǵan usynystar jóninde aıtyldy.

Jaqyp Asanov bıylǵy jyldyń 30 qazan kúni onlaın formatta ótken Shanhaı yntymaqtastyq uıymyna múshe memleketterdiń joǵarǵy sot tóraǵalarynyń 15-shi keńesiniń qorytyndylary týraly málimet berdi.

Prezıdent qylmystyq proseste aıyptaýshy men qorǵaýshy taraptar arasynda naqty jaryssózdi qamtamasyz etý máselesine nazar aýdardy.

Qasym-Jomart Toqaev azamattardyń, kásipkerler men ınvestorlardyń sotqa degen senimin arttyrý sot tóreligi júıesiniń basty basymdyǵy ekenin erekshe atap ótti.