Aqmola oblysynyń bas sanıtar dárigeri Aınagúl Mýsına karantındi kúsheıtýge qatysty qaýlyǵa ózgerister men tolyqtyrýlar engizdi.

"№57 qaýlyǵa sáıkes jeke qorǵanysh quraldaryn qoldaný jáne kádege jaratý algorıtimi jáne keminde 2 metr áleýmettik qashyqtyqty saqtaý qamtamasyz etilsin" delingen habarlamada.

Sondaı-aq oblystyń eldi mekenderinde júrip-turý saǵat 23:00-den 06:00-ge deıin shekteledi.

Qaýlyǵa sáıkes:

• otbasylyq is-sharalar (úılený toıy, banket, mereıtoı) jáne kópshilik jınalatyn sharalardy ótkizýge, onyń ishinde úıde ótkizýge tyıym salynady;
• 65 jastan asqan adamdarǵa asa qajettilik bolmasa úıden shyqpaýǵa keńes beriledi;
• áleýmettik qashyqtyqty jáne jeke qorǵanysh quraldaryn qoldaný usynylady;
• jerleý is-sharalaryn ótkizý kezinde keminde 2 metr qashyqtyqty saqtaý, 30 adamnan artyq jınalmaý kerek;

Bas sanıtar dáriger Kókshetaý jáne Stepnogorsk qalalarynyń karantındik aımaqtaryna/aımaqtarynan azamattardyń kirýine jáne shyǵýyna tyıym saldy. 

Qaýlynyń tolyq nusqasymen myna silteme arqyly tanysyńyz