Qazaqstannyń Kásipodaqtar federasıasy aldaǵy parlament májilisi men máslıhat depýtattarynyń saılaýyna baqylaýshy retinde 5700-ge jýyq adamdy belgiledi. Olar saılaýdyń ashyqtyǵy men ádil ótýin baqylamaq.

– Keshe ǵana májilis pen máslıhat depýtattary saılaýyna qatysatyn kásipodaqtar federasıasy baqylaýshylarynyń respýblıkalyq shtabynyń birinshi otyrysyn ótkizdik. Biz saılaýǵa baqylaýshy retinde qatysamyz. Búgingi kúni 9500-den astam saılaý ýchaskelerine 5700-ge jýyq baqylaýshy óz kandıdatýrasyn usyndy. Biz olarǵa pandemıa kezinde saqtyq sharalaryn túsindiremiz. Baqylaýshylar oqýdan jáne trenıńterden ótedi, – dedi Kásipodaqtar federasıasy tóraǵasynyń orynbasary Nurlan Óteshev kásipodaqtar úıinde ótken brıfıńte.

Respýblıkalyq shtabtyń múshesi, "Memlekettik, bank mekemeleri jáne halyqqa qyzmet kórsetý qyzmetkerleriniń qazaqstandyq kásipodaǵy" qoǵamdyq birlestigi tóraǵasynyń orynbasary Ataqozy Nurlanovtyń aıtýynsha, basty maqsat – baqylaýshylardyń jumysyn ashyq jáne adal uıymdastyrý.

– Kásipodaqtar federasıasy májilis pen máslıhattar depýtattaryn saılaýdaǵy erkin prosesterge baqylaýshy retinde qatysýǵa daıyn ekenin málimdedi. Óńirlerde aımaqtyq baqylaýshylar shtaby quryldy, olarǵa aımaqtardan barlyq aqparat kelip túsedi. Bizdiń maqsatymyz – baqylaýshylardyń jumysyn ashyq, shynaıy túrde uıymdastyrý jáne saılaýdyń ashyqtyǵy men ádil ótýin qamtamasyz etý. Eń bastysy – adamnyń tańdaý múmkindigine qatysty konstıtýsıalyq quqyǵyn qamtamasyz etý. Meniń oıymsha, biz adaldyqty, ashyqtyqty, zańnama qaǵıdattaryn saqtaýdy qamtamasyz ete alamyz, – deıdi Ataqozy Nurlanov.