Tvıtter áleýmettik jelisi arqyly toǵyz adamdy óltirgen japondyq ólim jazasyna kesildi. 

"Tvıtterdegi kıller" dep ataǵan Takahıro Shıraıshı 2017 jyly páterinen adamnyń dene músheleri tabylǵannan keıin qamaýǵa alyndy.

Ol qazan aıynda ózine taǵylǵan aıyptardyń "bári durys" ekenin aıtyp, óziniń kinásin moıyndaǵan.

Onyń qurbandarynyń segizi áıel. Al bireýi 15 jastaǵy jasóspirim. 

Buǵan deıin onyń advokattary aıypty jeńildetýdi suraǵan, sebebi, advakattar onyń qurbandary ózin-ózi óltirdi jáne óltirýge kelisim bergen degenge sendirmekke tyrysqan.

Aqparatqa sáıkes, 30 jastaǵy jigit óziniń qurbandaryna olardyń ólýine kómektese alatynyn aıtyp azǵyrǵan jáne keıbir jaǵdaılarda olarmen birge ózin de óltiretinin aıtqan.