Bilim jáne ǵylym mınıstri Asqat Aımaǵambetov bilim berý máseleleri boıynsha zańnamaǵa engizilgen jańa ózgerister týraly tolyǵyraq tarqatyp aıtty.
– Endi stýdentterdiń dýaldy júıesi arqyly bilim alǵan merzimi eńbek ótili retinde esepteletin bolady. Bul kolej túlekteriniń jumysqa aıtarlyqtaı tájirıbemen ornalasý múmkindigin arttyrady. Bekitilgen zańnamaǵa sáıkes ýákiletti organnyń kolejderde oqý merzimderin belgileýi týraly norma alynyp tastaldy. Endi oqý uzaqtyǵy naqty bilim berý baǵdarlamasyna jáne qajetti oqý nátıjelerine baılanysty bolady, – dedi ol.
Mınıstr kolej ókilderi kótergen taǵy bir másele sheshimin tapqanyn aıtty.
– Endi kolejder aqyly negizde qyzmet kórsetip, oqý-óndiristik sheberhanalarda, sharýashylyqtarda, oqý polıgondarynda daıyndaǵan taýarlaryn sata alady. Máselen, "Dánekerleý isi" mamandyǵy boıynsha oqıtyn stýdentter praktıka kezinde temirden sapaly konstrýksıalar jasaıdy, jas kondıterler keremet ónimder pisiredi, qolóner baǵytyndaǵy mamandyqtary boıynsha oqıtyn stýdentter kıizden, keramıkadan, aǵashtan, bylǵarydan, zergerlik buıymdardan avtorlyq buıymdar daıyndaıdy. Oqý tájirıbesi kezinde stýdentter daıyndaǵan ónimderdi satýǵa ruqsat berý arqyly óndiristik oqytýdyń sapasyn arttyrýǵa bolady.
Qazirgi ýaqytta joǵary oqý oryndaryna qarasty biraz kolejder jumys isteıdi, biraq qoldanystaǵy zańnamaǵa sáıkes ol oqý oryndary búdjet esebinen kadrlardy daıarlaý úshin memlekettik tapsyrys ala almaıdy. Jańa túzetýlerge sáıkes bul másele oń sheshimin tapty. Memlekettik tapsyrysty alý úshin kolejderdiń akredıtteýden ótýine qatysty talaptar alynyp tastaldy, – dep atap ótti Aımaǵambetov.
Pikir qaldyrý