Búgin Májilis Spıkeri Nurlan Nyǵmatýlınniń tóraǵalyǵymen ótken jalpy otyrysta depýtattar aýdandyq, qalalyq jáne aýyldyq bılik deńgeıleriniń derbestigi men jaýapkershiligin keńeıtý máselelerine qatysty zań jobasyn birinshi oqylymda maquldady.
Jańa zań jobasyna sáıkes, endi aýyldyq okrýgterdiń búdjetteri salyqtardyń jańa tórt túrinen túsetin túsimder esebinen ulǵaıtylatyn bolady.
Májilis Tóraǵasy Nurlan Nyǵmatýlın atap ótkendeı, bul jergilikti búdjetterdiń derbestigin damytýdyń jańa kezeńi, ol aýyldyń áleýmettik máselelerin jedel sheshýge múmkindik beredi.
Sonymen qatar, Nurlan Nyǵmatýlın búdjet qarajatyn tıimdi ákimshilendirýdiń mańyzdylyǵyn jáne ákimderdi daıyndaý deńgeıiniń qajettigin atap ótti.
Aıta ketý kerek, 2018 jyly qabyldanǵan Jergilikti ózin-ózi basqarý týraly zańǵa sáıkes, bólingen qarajat birinshi kezekte qaıda jumsalatyndyǵy aýyl turǵyndarynyń jınalysynda anyqtalatyn. Al, jańa zań jobasy boıynsha ákim apparatyna óz búdjetterin 20%-dan aspaıtyn mólsherde túzetýge múmkindik beriledi, búdjetti rásimderi bekitý ońaılatylady, sondaı-aq, menshikti túsimder kóleminiń 10%-nan aspaıtyn mólsherde aýyldyq búdjet rezervin qurý kózdeledi.
Sondaı-aq, zań jobasynda máslıhattar depýtattaryna qosymsha quqyqtar men mindetter berý jáne máslıhattar hatshylarynyń quqyqtyq mártebesin arttyrý usynylady.
