Ilon Masktyń SpaceX kompanıasy taǵy bir "Starship" prototıpin ushyrdy jáne qaıta qoný prosesi bul joly da sátsiz boldy.

SN9 degen ataý alǵan ekıpajsyz ǵarysh kemesi Tehas shyǵanaǵy jaǵalaýynan 10 km bıiktikke kóterilip, qysqa qashyqtyqta baqylaý operasıasyn jasaýǵa tyrysty.

Kompanıa ótken aıda SN8 modelimen osy konfıgýrasıany synap kórgende, sońy jarylyspen aıaqtaǵan.

Bul joly SN9 nusqasy da jerge qonǵanda jarylyp ketti.

Oǵan qaramastan, SpaceX test arqyly kóp málimetter jınalatynyn málimdedi. Kompanıa ınjenerleri baǵdarlamany jalǵastyratynyn aıtty.

"Esterińizde bolsyn, bul synaq reısi boldy, (tek) biz osy konfıgýrasıada Starship ushaǵymen ekinshi ret ushtyq" dedi SpaceX veb-translásıasynyń turaqty sholýshysy Djon Invrýker.

"Biz qonýǵa az ǵana ýaqyt jumsaýymyz kerek. Málimetterdi komandadan biletin bolamyz. Sonymen taǵy bir keremet (test)" dedi ol.