Almaty qalanyń ákimi Baqytjan Saǵyntaev qorshaǵan ortaǵa tehnogendi júktemeni azaıtý jumystaryna baılanysty jospar týraly aıtty.
"Qoǵamdyq jáne komýnaldyq avtoparkterdi ekologıalyq taza otynǵa aýystyrý jumysymen qatar tranzıttik júk kólikteriniń qozǵalysyn shekteý múmkindigin de zerdeleımiz. Júrgizilgen monıtorıń boıynsha qalaǵa táýligine 17 myńnan astam júk kóligi kiretinin kórsetti. Bul máseleni jan-jaqty zerdeleý úshin Polısıa departamenti men Jasyl ekonomıka basqarmasynyń qyzmetkerleri, sarapshylar qaýymdastyǵy, sondaı-aq kólik pen komýnıkasıa ǴZI mamandary tartyldy. Qazirgi ýaqytta lastaýshy qaldyqtyń kólemi, marshrýtty ázirleý men ótkizý qabiletin esepteý boıynsha zertteý júrgizilýde. Nátıjesinde megapolıstiń ekologıasy jaqsarady" delingen ákimniń facebook-tegi jazbasynda.
