Qazaq televızıasynyń ardageri Nurtileý Imanǵalıuly qaıtys boldy. Bul týraly Qazaqstan ulttyq telearnasynyń baspasóz qyzmeti habarlady.
"Búgin tańerteń 70 jasqa qaraǵan shaǵynda Qazaq televızıasynda 45 jyl qyzmet atqarǵan jýrnalısıka ardageri Nurtileý Imanǵalıuly ómirden ótti.
Nurtileý Imanǵalıuly "Qurdastar", "Jastar daýysy", "Araı", "Jadyńda ma, joldas", "Aına", "Jas jiger","Betpe-bet", "Qoltańba", "Dińgek", "Kórshiler", "Zań sóılesin", "Nur-Tiley" avtorlyq baǵdarlamalary arqyly qalyń kórermen esinde qaldy" delingen habarlamada.
Nurtileý Imanǵalıuly 2006-2007 jyldary – "Qazaqstan» respýblıkalyq teleradıokorporasıasy" aksıonerlik qoǵamynyń basqarma tóraǵasy, odan keıingi jyldary "Qazaqstan RTRK" AQ basqarma tóraǵasynyń keńesshisi qyzmetterin atqardy.
Pikir qaldyrý