Tuńǵysh prezıdent Nursultan Nazarbaev Nurtileý Imanǵalıulynyń dúnıeden ótýine baılanysty otbasy men týǵan-týystaryna kóńil aıtty, dep habarlady elbasy.kz saıty.

"Elbasy Nurtileý Imanǵalıulynyń dúnıeden ótýine baılanysty aýyr qaıǵyǵa ortaqtasyp, otbasy men týǵan-týystaryna kóńil aıtty" delingen jedelhatta.

"Nurtileý Imanǵalıuly sanaly ǵumyryn qazaq televızıasynyń órkendeýine arnady. Ol qatardaǵy tilshiden Ulttyq arnanyń basqarma tóraǵasyna deıingi joldan ótken naǵyz maıtalman maman bolatyn. Onyń qoǵamdaǵy kókeıkesti máselelerdi arqaý etip, áleýmettik astaryn asha bilgen aıshyqty avtorlyq baǵdarlamalary umytylmaı, el esinde qalady. Sheber júrgizýshi, suńǵyla suhbatshy retinde efırdegi erekshe beınesimen, ózindik bolmys-bitimimen qalyń kórermendi uıyta bilgen talantty da tanymal tulǵa táýelsiz elimizdiń telejýrnalıstıkasyn damytýǵa zor úles qosty.

Kópshiliktiń kózaıymyna aınalyp, yqylasyna bólengen abzal azamattyń ǵıbratty ǵumyry men jarqyn beınesi jurtshylyq jadynda árdaıym saqtalady dep senemin" delingen jedelhatta.