60 adamǵa arnalǵan bıznes-trenıng jáne «Fızıka» bar-klýby belgilengen tártipti úshinshi ret buzyp otyr. Almatyda sanıtarlyq normalardy qatań saqtaýǵa shaqyrady

Almaty qalasy ákiminiń tapsyrmasy boıynsha megapolıste qalanyń memlekettik bas sanıtarlyq dárigeri belgilegen karantındik normalardy buzǵandardy anyqtaý jáne olardyń aldyn alý boıynsha 40 monıtorıńtik top jumys isteýde.

Bıylǵy jyldyń 4-sáýirinen 5-sáýirine qaraǵan túni belgilengen shekteýlerdiń 9 ret buzylǵany anyqtaldy. Anyqtalǵan 8 nysannyń ishinde meıramhanalar, dámhanalar men dúkender, 1 saýna bar. Sonymen qatar, 55 jeke tulǵaǵa ákimshilik quqyq buzýshylyq týraly hattamalar toltyryldy.

A.j. 19 naýryz ben 5 sáýir aralyǵynda belgilengen shekteýlerge qatysty barlyǵy 457 buzýshylyq anyqtaldy, onyń ishinde:
• Alataý aýdany boıynsha - 15 fakt ;
• Almaly aýdany boıynsha - 90;
• Áýezov aýdany boıynsha - 79;
• Bostandyq aýdany boıynsha - 74;
• Jetisý aýdany boıynsha – 36;
• Medeý aýdany boıynsha - 61;
• Naýryzbaı aýdany boıynsha – 32;
• Túrksib aýdany boıynsha - 56.

Anyqtalǵan nysandardyń jalpy sanynyń ishinde mynalar bar: 299 meıramhanalar, dámhanalar men dúkendere, 68 kompúterlik klýb, 12 bılárd klýby, 37 SPA-salon, 21 saýna, 2 kalán bary, 11 karaoke klýby, 3 loto klýby, 5 túngi klýb. 2410 jeke tulǵaǵa ákimshilik aıyppul salyndy.

Epıdemıologıalyq ahýaldyń kúrdelenýine, sondaı-aq mýtasıalanǵan brıtandyq jáne Ońtústik afrıkalyq KVI shtamdarynyń tez taralýyna qaramastan, qala turǵyndary adamdar kóp jınalatyn is-sharalardy uıymdastyrýda jáne olarǵa jıi barýda.

Mysaly, aǵymdaǵy jyldyń 3 sáýirinde Almaly aýdanynyń monıtorıńtik toby «Fızıka» bar-klýbynyń normatıvtik talapty buzǵanyn anyqtady. Jumys isteýine tyıym salynǵanyna qaramastan kelýshilerdi qabyldaǵan. Jalpy, 45 jeke tulǵaǵa qatysty ákimshilik jaýapkershilik týraly hattamalar toltyryldy. Tipti , atalǵan bar klýb osymen úshinshi ret tártip buzýda. Ótkeni, sotty sheshemi boıynsha klýbtyń jumysy 1 aı merzim toqtatylǵan bolatyn. Sondyqtan zańdy tulǵanyń isi QR ÁQBtK 425-babyna sáıkes klýb jumysyn qyzmetin toqtatý úshin oǵan qatysty materıaldar Almaty q. MAES-na jiberiledi.

Naýryzbaı aýdanynda Qydyrov kóshesi, 39 meken-jaıy boıynsha ornalasqan «Mara» meıramhanasynda ótkizilip jatqan bıznes-trenıngtiń joly kesildi. Monıtorıńtik top kelgen sátte is-sharaǵa 50-60 adam qatysqan. Sonymen qatar, quqyq buzýshylar dórekilik kórsetken. Barlyq materıaldar ákimshilik hattama toltyrý úshin berildi. Qatysýshylar 30 AEK (87 510 teńge) aıyppul salynyp, ákimshilik jaýapkershilikke tartyldy.

Jalpy, tıisti normatıvtik talaptardy buzǵandar arasynda mynalar da bar:
- Bostandyq aýdany Báısheshek kóshesi, 74 mekenjaıda shara ótkizilip, oǵan 40-qa jýyq adam jınalǵan;
- Almaly aýdanynda «Bıografı» laýndj bary jumys istegen, onda 40-qa jýyq adam boldy;
- Medeý aýdanynda «Friendli» laýndj bary jumys istedi, onda 40-qa jýyq adam boldy.
- Bostandyq aýdanynda «Papa Pipe» laýndj bary jumys istegen, onda 40-qa jýyq adam bolǵan.

Almaty ákimdigi turǵyndardy karantın sharalaryn saqtaýǵa shaqyrady. 4 sáýirde koronavırýstyq ınfeksıanyń 611 jaǵdaıy tirkeldi, onyń 519-y sımptomdy jáne 92-si sımptomsyz. Barlyǵy ınfeksıalyq stasıonarlarda (5 610 tósek) 3 263 adam emdelýde, eresekterden - 67 naýqastyń jaǵdaıy óte aýyr, 638-i aýyr, 2 558-i ortasha aýyr jaǵdaıda. Ótken táýlikti 89 pasıent saýyǵyp, úılerine shyǵarylsa, 276 naýqas túsken.