Almaty qalasynyń bas sanıtar dárigeri Jandarbek Bekshın sanıtarlyq-epıdemıologıalyq baqylaý departamentiniń baspasóz hatshysy Qymbat Qyzaıbekovanyń toıda júrgeni kórsetilgen vıdeoǵa baılanysty pikir bildirdi.

Bekshınniń aıtýynsha, vıdeodaǵy qyzmetker onyń baspasóz hatshysy emes, memlekettik qyzmetker de emes. Ol mátinge aýdarma jasaıtyn maman ǵana.

Sondaı-aq Jandarbek Bekshın toıda júrgeni beınelengen vıdeo osydan eki jyl buryn túsirilgenin habarlady.

– Orynbasarym bul jaǵdaıdy anyqtady. Bul qyzmetker 2020 jylǵy qyrkúıekten bastap jumys isteıdi jáne baspasóz hatshysy emes. Tek mátinderge aýdarma jasaıdy. Ol memlekettik qyzmetker emes. Meniń hatshym 25 naýryzda densaýlyǵyna baılanysty jumystan ketken. Qazir ornynda Muhamedıarov otyr. Vıdeo eki jyl buryn, pandemıaǵa deıin túsirilgen, – dedi Bekshın.

Vıdeodan toıhanada úılený toıynyń ótip jatqanyn jáne ondaǵy qonaqtardyń túrli oıyn oınap, kóńil kóterip júrgenin kórýge bolady.

Bekshınniń sózine kúdiktenip, "vıdeoǵa mátin jazý fýnksıasy 2020 jyldyń sońynda ǵana paıda bolǵanyn aıtqan jeli qoldanýshylardyń pikirine qalanyń bas sanıtary "muny tájirıbeli tergeýshi anyqtaýy kerek" dep qysqa qaıyrdy .