Qytaıdyń soǵys ushaqtaryn tasymaldaıtyn áskerı kemesi bastaǵan top Okınava men Mıako araldaryn basyp ótip, Tynyq muhıtyna bet alǵan. Japonıa topty baqylap otyrǵanyn málimdedi.

Reuters Qytaıdyń "Láonın" dep atalatyn soǵys ushaqtaryn tasymaldaıtyn keme bastaǵan áskerı top Okınava men Mıako araly arasynan ótip, Tynyq muhıtyna bet alǵanyn habarlady. 

Japonıa qytaılyq topty baıqap qalǵannan keıin qytaı flotynyń toby týraly aqparat jınaý úshin bir joıǵysh, bir patrúldik ushaq jóneltken.

Sońǵy kezderi qytaılyq áskerılerdiń sheteldik kemelerge oq atýyna múmkindik beretin Beıjińniń jaǵalaýdy qorǵaý týraly jańa zańy Tokıomen shıelenisti kúsheıtti. 

Ótken jyldyń sáýirinen beri atalǵan sý jolymen Beıjiń kúshteri alǵash ret ótip otyr. Bul AQSH-tyń aımaqtaǵy odaqtastarymen ótkizgen áskerı jattyǵýlarynan, onyń ishinde ótken aptada Shyǵys Tynyq muhıty aımaǵynda Avstralıanyń áskerı-teńiz kúshterimen eki kúndik birlesken jattyǵýynan jáne jeksenbi kúni tańerteń Ońtústik Qytaı teńizine kiretin amerıkalyq Teodor Rýzvelt áýe kemesimen birlesken jattyǵýdan keıin tirkelip otyrǵan jaıt.