Qysta qar jaýsa, oıbaı, kútpegen tosyn jaǵdaı boldy, bilmeı qaldym qańtarda qar túsetinin deýshi ediń. Jaraıdy, onyńa da etimiz úırendi. Al bıyl sol kisiniń 155 jyldyǵy ekenin bilmedim, estimedim deshi. Bul da tańsyq pa saǵan? Sonyń atyndaǵy myna astań-kesteńi shyqqan kósheni kúni buryn jóndep, asfáltyn tóseseń bireý seniń qolyńnan qaǵar ma edi? Álde oǵan da buıryq kútip otyrsyń ba?" deıdi jýrnalıs.

 

 

Al Semeitv telearnasynyń jýrnalısi Qýanysh Rahmetollaulynyń ">sózinshe, Alashordanyń astanasy bolǵan Semeı qalasynda Álıhan Bókeıhanovtyń esimi uzyndyǵy 1 shaqyrymdyq, qala syrtyndaǵy jolsyz kóshege berilgen.

 

 

Jýrnalıs Alashtyń rýhanı astanasy  – Semeı qalasynda qazaq táýelsizdigi úshin janyn pıda etken tulǵaǵa qala ortalyǵynan bir kóshe buıyrmaı kele jatqanyn jetkizgen.

 

Almatyda da Álıhan Bókeıhanov atyndaǵy kóshe tar ári qysqa. "Baraholka" atalyp ketken bazardyń artqy jaǵyndaǵy burynǵy Aerodromnaıa kóshesi qazir "Bókeıhanov" atalyp tur.

 

Qazaqstanda keı azamattar Álıhan Bókeıhanovty beıresmı túrde qazaqtyń tuńǵysh prezıdenti dep sanaıdy.

 

Al eldi 30 jylǵa jýyq basqarǵan Qazaqstan respýblıkasynyń tuńǵysh prezıdenti Nursultan Nazarbaev qurmet-qoshemetke kende emes.

 

2019 jylǵy 20 naýryzda prezıdent qyzmetine kirisken Qasym-Jomart Toqaev ant berý rásimi kezinde el astanasyna Nursultan Nazarbaevtyń esimin berýdi usynyp, oblys ortalyqtaryndaǵy negizgi kóshelerdi Nursultan Nazarbaevtyń qurmetine ataý kerek degen tapsyrma bergen. Sodan beri Astana ataýy Nur-Sultanǵa aýystyrylyp, oblys ortalyqtaryndaǵy basty kósheler Nazarbaev esimin ala bastady.

 

Onyń ishinde qazaq halqy úshin kıeli uǵymdarmen atalǵan kóshelerge, ult oıshyldary men belgili tulǵalar esimimen atalyp kelgen kóshelerge Nazarbaev esimi berildi. Máselen, Óskemen, Pavlodar, Talqyqorǵan qalalaryndaǵy Táýelsizdik kósheleri, Taraz qalasyndaǵy Tóle bı dańǵyly, Qostanaıdaǵy Abaı dańǵyly, Atyraýdaǵy Qanysh Sátpaev dańǵyly, Shymkenttegi Astana dańǵyly, Oraldaǵy Dostyq-Drýjba kóshesi, Aqtóbedegi Ábilqaıyr han dańǵylynyń bir bóligi, Qyzylordadaǵy Jibek joly kóshesi, Oraldaǵy Dostyq dańǵyly, Almatydaǵy Fýrmanov kóshesi, Petropavldaǵy Mır kóshesi, Kókshetaýdaǵy Maksım Gorkıı kóshesi Nursultan Nazarbaevtyń qurmetine ataldy. Qaraǵandyda Beıbitshilik býlvary men Narmanbet Tólepov kóshesin qosý arqyly Nursultan Nazarbaev dańǵyly paıda boldy. Sondaı-aq kósheleri yqshamaýdandarmen bólingen Aqtaýda arnaıy Nazarbaev dańǵyly ashylǵan.