Qazaqstannyń bas sanıtar dárigeri Erlan Qıasov elde koronavırýs ınfeksıasynyń taralýyn aldyn alý maqsatynda karantın sharalary týraly qaýlysyna ózgerister engizdi.
Qaýlyǵa sáıkes, Qazaqstanǵa kelgen jáne sońǵy 14 kún ishinde Maldıv araldaryna baryp kelgen adamdar 14 kúnge úıde oqshaýlanady. Úı karantınine oqshaýlaý PTR ádisimen COVID-19 testiniń teris nátıjesi bar Anyqtamanyń bolýyna jáne COVID-19-ǵa qarsy vaksınasıasynyń bar-joǵyna qaramastan júrgiziledi.
Sondaı-aq sońǵy 14 kún ishinde Maldıv araldaryna baryp kelgen adamdar 14 kún boıy medısınalyq baqylaýmen qamtamasyz etiledi.
Qaýly 17 mamyr saǵat 00:00-den bastap kúshine enedi.
Pikir qaldyrý