Gazadaǵy Palestına sheneýnikteri Izraılmen urys bastalǵaly beri bir kúnde eń kóp ólim tirkelgenin málim etti.

Izraıldiń Gazaǵa jasaǵan sońǵy áýe shabýylynda 40-tan astam adam qaza tapty, dep habarlady jergilikti sheneýnikter.

Izraıl armıasynyń dereginshe, Hamas toby sońǵy bir apta ishinde Izraılge 3000-nan astam zymyran atqan.

Birikken Ulttar Uıymynyń Bas hatshysy Antonıo Gýterresh aldaǵy urystar aımaqty "aýyr daǵdarysqa" ushyratýy múmkin dep eskertti.

Ol "sumdyq" zorlyq-zombylyqty tez arada toqtatýdy ótindi.

Dúısenbi kúni tańerteń Hamas toby Izraıldiń ońtústigine zymyranmen oq jaýdyrǵannan keıin kóp uzamaı Izraıl Gaza qalasynyń birneshe aýdanyna 80 áýe shabýylyn jasady.

"Gazada qaza tapqandardyń jalpy sany qazir 188 adamǵa jetti. Onyń 55-i balalar, 33-i áıelder. Olardyń 1230-y jaraqat alǵan" dep habarlady Hamas baqylaýyndaǵy densaýlyq saqtaý mınıstrligi.