Baspa, radıo, ınternet-jýrnalıstıka salasyndaǵy úzdikterdi anyqtaý úshin "URKER – 2021" ulttyq báıgesine ótinimder qabyldaý bastaldy, dep habarlady urker-awards.kz saıty.

Baıqaýǵa espýblıka aýmaǵynda medıakontent óndiretin jáne taratatyn respýblıkalyq jáne óńirlik radıostansıalar, baspa jáne ınternet-basylymdar qatysa alady.

Ótinimderdi qabyldaý ýaqyty 2021 jyldyń 17 mamyrynan 15 maýsymyna deıin júzege asyrylady.

Konkýrtyq jumystar 2020 jyldyń 1 qarashasy men 2021 jyldyń 1 maýsym aralyǵynda jarıalanyp, basylymynda, ınternet-resýrsta jarıalanýy ne radıoefırde shyǵýǵa tıis. Ár úmitker báıgeniń tek eki nomınasıasyna qatysýǵa quqyly.

Ótinimder urker-awards.kz resmı saıtynda 11 nomınasıa boıynsha qabyldanady:

1. Jyldyń úzdik fotosýreti
2. Jyldyń úzdik reportajy
3. Jyldyń úzdik analıtıkalyq materıaly
4. Jyldyń úzdik jýrnalısik zertteýi
5. Jyldyń úzdik suhbaty
6. Jyldyń úzdik tanymdyq materıaly
7. Radıostansıadaǵy úzdik joba
8. Jyldyń úzdik jańalyqtar portaly
9. Jyldyń úzdik gazeti
10. Jyldyń úzdik jýrnaly
11. Táýelsizdiktiń 30 jyldyǵyna arnalǵan úzdik materıal

Bıylǵy jyly uıymdastyrýshy komıtet eldiń táýelsizdik jyldary qalyptasýyna arnalǵan jumystarǵa arnaıy nomınasıa engizdi.

Táýelsiz qazylar alqasynyń quramyna engen kásibı jýrnalıser, salanyń eńbek sińirgen qaıratkerleri jáne Ázirbaıjan men Germanıanyń halyqaralyq medıa-sarapshylary  jumystardy baǵalaıtyn bolady.

Ulttyq báıge jeńimpazdary «Úrker» estelik músinshesiniń jáne bir mıllıon teńge mólsherindegi qarjylaı syılyqtyń ıegeri bolady.