Almatyda "Aport Mall" saýda úıi mańynan er adamnyń máıiti tabyldy. Bul týraly  kris_p_almaty instagram paraqshasy habarlady. 

Máıit Raıymbek dańǵylyndaǵy "Nurly dala" turǵyn úı kesheniniń mańynan tabylǵan. Dárigerler ólim bas mıy jaraqatynyń sebebinen bolǵanyn aıtady. Marqumnyń basyn qatty zatpen urdy degen boljam bar. Onyń 1972 jyly týǵan (M) esimdi Almaty oblysynyń turǵyny ekeni  belgili boldy.

Tergeý barysynda marqumnyń telefon, aqsha syndy qundy zattary urlanbaǵany anyqtaldy.

Almaty qalasynyń polısıa departamenti atalǵan fakt Qylmystyq kodekstiń 99-baby, 1-bóligi (adam óltirý, ıaǵnı basqa adamdy quqyqqa qarsy qasaqana qazaǵa ushyratý) boıynsha tirkelgenin jáne ony Naýryzbaı aýdanynyń polısıa basqarmasy tergep jatqanyn habarlady.