Bıyl Ulttyq biryńǵaı testileý qandastar úshin 2021 jyldyń maýsym aıynda onlaın formatta ótedi. Bul týraly Bilim jáne ǵylym mınıstri Asqat Aımaǵambetov májilis depýtattardyń saýalyna bergen jaýabynda aıtqan.

– Bıyl Qazaqstandaǵy jáne álemdegi epıdemıologıalyq jaǵdaıǵa baılanysty Ulttyq biryńǵaı testileý qandastar úshin 2021 jylǵy maýsymda 2020 jylǵy tájirıbeni eskere otyryp onlaın formatta ótedi. UBT tapsyrýdyń bul formaty mınıstrlik, Ulttyq testileý ortalyǵy jáne "Otandastar" qorymen birge jan-jaqty qaraldy.

Mınıstrlik qandastarǵa qazaqstandyq joǵary oqý oryndarynda joǵary bilim alý múmkindigin keńeıtý boıynsha turaqty negizde jumys júrgizýde. Elimizdegi jáne jalpy álemdegi epıdemıologıalyq jaǵdaıǵa baılanysty UBT-ny uıymdastyrý prosesi kezinde bizdiń stýdentter men jastardyń densaýlyǵy mınıstrlik úshin mańyzdy ekenin aıta ketken jón, – dedi mınıstr.

Mınıstrdiń aıtýynsha, ótken jyly qandastar úshin UBT alǵash ret onlaın formatta uıymdastyrylǵan. 2020 jylǵy 19 shildede ótken testileýge 551 adam qatysqan.