Muǵalimderden mınıstrliktiń buıryǵynda joq esepter suralmaýy kerek. Bul týraly bilim jáne ǵylym mınıstri Asqat Aımaǵambetov respýblıkalyq pedagogıkalyq keńeste málimdedi.

– Dırektorlarǵa, orynbasarlaryna, bilim bólimderi men bilim basqarmalaryna aıtamyn: mınıstrliktiń buıryǵynda joq esepterdi talap etý faktileri rastalatyn bolsa, onda óte qatań sharalar qoldanamyz. Ony sizder oqymaısyzdar da, ony oqýǵa eshkimniń ýaqyty da joq. Onyń áketip bara jatqan eshqandaı tıimdiligi de joq. Bostan-bosqa, áıteýir, esep jınaý. Árıne, burynǵymen salystyrǵanda, arasy jer men kókteı. Biraq keıbir mektepterde áli kúnge deıin keıde kezdesip, osyndaı faktiler tirkelip otyrady. Sondyqtan osy máseleni aıtyp otyrmyn, – dedi Aımaǵambetov.

Mınıstr muǵalim óz sabaǵyn sapaly ótkizýi kerek ekenin jáne osyny naqty talap etý kerek ekenin atap aıtty. Muǵalimder mindetine kirmeıtin artyq jumystardy istemeý keregin jetkizdi.