Kezdesýde prezıdent tapsyrmalaryn zańnamalyq turǵydan qamtamasyz etý máseleleri qarastyryldy. Senat tóraǵasy Qasym-Jomart Toqaevqa qabyldanǵan birqatar zańdar jóninde, sonyń ishinde, respýblıkalyq búdjet týraly zańǵa engizilgen ózgertýler men tolyqtyrýlar, saılaý týraly zańǵa engizilgen túzetýler týraly aıtty. Memleket basshysy atalǵan zańdarǵa qol qoıdy.

"Joǵarǵy palata kvazımemlekettik sektordaǵy satyp alýlardy retteıtin zań qabyldady. Qazirgi ýaqytta áleýmettik kásipkerlikti damytý, salyq kodeksine ózgertýler men tolyqtyrýlar engizý jáne basqa da zań jobalary depýtattardyń qaraýynda jatyr.

Máýlen Áshimbaevtyń málimeti boıynsha, osy sesıa bastalǵaly beri senatorlar 12 zań jobasyna bastamashy boldy. Onyń 3-in parlament qabyldasa, 4-ýi senat pen májilistiń qaraýynda. Taǵy 5 zań jobasy depýtattardyń bastamasymen ázirlenip jatyr" delingen resmı saıt habarlamasynda.

Senat tóraǵasy prezıdentke parlamentaralyq yntymaqtastyqty damytý, Reseı, Ózbekstan jáne basqa da elderdiń zań shyǵarýshy organdarymen baılanystardy nyǵaıtý jóninde aıtty.

Sonymen qatar Máýlen Áshimbaev memleket basshysynyń tapsyrmasy boıynsha ázirlengen "Asharshylyq. Golod. 1928-1934. Derekti hronıka" jınaǵyn usyndy. Atalǵan úsh tomdyqta Qazaqstandaǵy kúshtep ujymdastyrýdyń qasiretti tarıhyn baıandaıtyn myńnan astam arhıv qujattary jınaqtalǵan.