Germanıa otarlaý dáýirinde Namıbıany basyp alǵan ýaqytta genosıd jasaǵanyn resmı moıyndady jáne qarjylyq ótemaqy beretinin jarıalady. Nemis otarlaýshylary HH ǵasyrdyń basynda on myńdaǵan Gerero men Nama turǵyndaryn óltirgen. Syrtqy ister mınıstri Heıko Maas juma kúni sol kezdegi qandy oqıǵany "genosıd" dep moıyndady.
"Germanıanyń tarıhı jáne moraldyq jaýapkershiligin eskere otyryp, biz Namıbıadan jáne qurban bolǵandardyń urpaqtarynan keshirim suraımyz" dedi ol.
Maas Germanıa "qurbandarǵa keltirilgen orasan zor azapty moıyndap, eldiń damýyna quny 1,1 mlrd eýrodan asatyn baǵdarlama arqyly qoldaý kórsetetindigin aıtty.
Kelisim boıynsha 30 jyl boıy Germanıa Namıbıanyń ınfraqurylymyn, densaýlyq saqtaý men oqytý baǵdarlamalaryn qarjylandyrady.
"Biz qazir bul oqıǵalarǵa resmı túrde búgingi kún turǵysynan genosıd dep qaraıtyn bolamyz" degen Maas juma kúngi málimdemesinde otarlyq dáýirdegi is-áreketterdi "aıaýsyz jáne jasyryp, jappaı" talqylaý kerek dedi.
Pikir qaldyrý