Soltústik Koreıa kez kelgen sheteldik yqpaly bar nárselermen, sheteldik fılmdermen, sheteldik kıimdermen ustalǵandardy nemese tipti sheteldik jargondardy qoldanǵan adamdardy qatań túrde jazalaýǵa baǵyttalǵan jańa zań shyǵardy. Bul týraly BBC habarlady.

Iýn Mı-so esimdi káris azamaty ońtústik koreıalyq dramamen ustalǵany úshin ólim jazasyna kesilgen adamdy alǵash kórgende 11 jasta bolǵanyn aıtady.

– Ony (jazany) búkil aýdan boıynsha kórýge buıryq berildi. Eger siz buıryqty oryndamasańyz, bul satqyndyqqa jatqyzylatyn edi, – deıdi ol.

Soltústik Koreıada sheteldik fılmderdi "kontrabandalyq jolmen" ákelgenderge ólim jazasy kesiledi.

– Kózi baılanǵan adam týraly esimde: Onyń kóz jasy aǵyp jatqany áli kúnge deıin kóz aldymda. Bul meniń júregime qatty aýyr tıdi. Kózin baılaǵan zat onyń kóz jasyna shylanǵan. Olar ony qazyqqa baılady, sodan keıin atyp tastady, – deıdi ol.

Soltústik Koreıada qazir ınternet joq, áleýmettik medıa joq, tek memleket basqaratyn birneshe telearnalar bar. Ol telearnalar el basshylary ne aıtqysy kelse, sony jetkizýge arnalǵan.

Ońtústik Koreıanyń, AQSH-tyń nemese Japonıanyń kóptegen buqaralyq aqparat quraldaryn qarap, ustalǵan kez kelgen adam ólim jazasyna kesiledi.

Jaqynda Kım Chen Yn memlekettik BAQ-ta eldegi jastar arasyndaǵy "jaǵymsyz, ındıvıdýaldy, antısosıalıstik minez-qulyqqa" qarsy kúresýge shaqyrǵan hat jazdy. Ol sheteldik sóıleý tilderin, shash úlgileri men kıimderin "qaýipti jáne ýly" dep sıpattap, olardy toqtatqysy keledi.