Jambyl oblysy Merki aýdanynda birneshe er adam arasynda janjal bolyp, sonyń saldarynan bir adam kóz jumdy. Oqıǵanyń jaı-japsaryn Jambyl oblysy polısıa departamentiniń bastyǵy Janat Súleımenov aıtyp berdi.

Oqys oqıǵa 9 maýsym saǵat 21:20-da bolǵan. Polısıa málimetinshe, sharýa qojalyǵynyń ıesi men jergilikti 3 turǵyn arasynda janjal týǵan. Onyń barysynda er adamdardyń biri fazenda ıesine tirkelgen tegis uńǵyly myltyqtan oq atyp, sharýa qojalyǵynyń ıesin jaralaǵan. Artynsha sharýa qojalyǵynyń ıesi oq atqandardyń sońynan qýyp, olardyń kóligin soqqan. Jol apaty kezinde kólik júrgizýshisi oqıǵa ornynda kóz jumdy, taǵy bir er adam aıaǵy men qolynan jaraqat alyp, Merki aýylyndaǵy aýdandyq ortalyq aýrýhanaǵa jatqyzyldy.

Qazir tańda atalǵan oqıǵanyń barlyq qatysýshylary ustalyp, sotqa deıingi tergeý júrgizilip jatyr. Qajetti saraptamalar taǵaıyndalǵan. İstiń mán-jaıy anyqtalýda.