Densaýlyq saqtaý mınıstrligi 3 tamyzdaǵy epıdemıologıalyq jaǵdaı týraly aqparatty jarıalady. 

Mınıstrik málimetinshe, ótken táýlikte PTR test arqyly 7519 adamnan koronavırýs tabylǵan. 471 adamnan pnevmonıa anyqtalǵan. 2 tamyzda 124  adam koronavırýstan, 25 naýqas pnevmonıadan kóz jumǵan. 

El boıynsha koronavırýsqa tapsyrǵan testi oń nátıje kórsetken jaǵdaılardyń jalpy sany  602 952-ge jetti. Koronavırýs belgileri bar pnevmonıamen aýyrǵandardyń resmı sany – 61 772. 

4 tamyzdaǵy málimet boıynsha, 107 016 adam koronavırýs ınfeksıasyn, 3030 naýqas pnevmonıadan emdelip jatyr. Olardyń ishinde 29 325 pasıent stasıonarda, 77 691 naýqas ambýlatorıalyq deńgeıde em qabyldaýda, 1786 adamnyń jaǵdaıy aýyr, 412 pasıenttiń jaǵdaıy óte aýyr, 209 naýqas ÓJJ apparatynda jatyr.

Búginde Túrkistan oblysy koronavırýstyń taralý qarqyny boıynsha "sary" aımaqtan "jasyl" aımaqqa ótti. Al, Nur-Sultan, Almaty, Shymkent qalalary, Aqmola, Aqtóbe, Almaty, Atyraý, Batys Qazaqstan, Jambyl, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan jáne Shyǵys Qazaqstan oblystary koronavırýstyń "qyzyl" aımaǵynda tur.