Shymkent qalasy jumyspen qamtý jáne áleýmettik qorǵaý basqarmasyna qarasty «Ómirlik qıyn jaǵdaıǵa túsken adamdardy áleýmettik beıimdeý ortalyǵy» ishinen ashylǵan «Utqyr» áleýmettik patrýli qalada reıdtik tekserý jumystaryn júrgizýde.

Patrúl qyzmetkerleri is-shara barysynda Tóle bı kóshesiniń boıynda ornalasqan Qyrǵy bazar mańynda, Qurmanbekov kóshesiniń boıynda ornalasqan №1 qalalyq aýrýhana aldynda jáne Respýblıka dańǵylynyń boıyndaǵy Kómesh-Bulaq bazarynyń aýmaǵynda úı-kúısiz (qańǵybastyqqa) salynyp júrgen azamattardy ortalyqqa jetkizdi.

Ortalyqqa jetkizilgen azamattarǵa alǵashqy medısınalyq kómek túrleri kórsetildi. Jeke gıgıenalyq jumystar júrgizilip, tósek-orynmen qamtamasyz etildi. Aldaǵy ýaqytta áleýmettik kómek túrlerin aıqyndaıtyn bolamyz.

Mekeme kámelet jasqa tolǵan belgili turǵylyqty jeri joq, jeke basyn kýálándyratyn qujattary joq jáne bas bostandyǵynan aıyrý oryndarynan bosatylǵan nemese shartty túrde sottalǵan azamattarǵa qyzmet kórsetedi. Ortalyqta qazir 140–tan astam azamat qyzmet alýda. Ortalyq qyzmet alýshylarǵa qujattaryn rásimdeý, medısınalyq tekserýden ótkizip, qajet bolǵan jaǵdaıda medısınalyq uıymdarǵa ornalastyrý, jumyspen qamtý, turǵyn úı kezegine turǵyzý sekildi áleýmettik kómekter kórsetedi.

Sonymen qatar, ortalyqta qyzmet alýshylardyń eńbek daǵdylaryn arttyrý, psıhıkalyq kúızelisten shyǵaryp, kóńil-kúılerin kóterý jáne densaýlyqtaryn nyǵaıtý maqsatynda kúndelikti tańerteńgilik serýender uıymdastyrylady. «Haıýanattar baǵy» buryshyn tamashalaıtyndar da bar. Olar saıabaqta serýendep, ǵajaıyp qus sanalatyn taýystardy, kepter men kójek, qoıandardy tamashalaı alady. Janýarlardy kútip-baptaýǵa qyzmetker men veterınar-dáriger jumyldyrylǵan.