Shymkent garnızonyndaǵy mehanıkalandyrylǵan brıgadanyń áskerı qyzmetshileri Taraz qalasynda ótken áskerı úshsaıystan «Ońtústik» óńirlik qolbasshylyǵy boıynsha irikteý chempıonatynyń jeńimpazdary atandy.

Dúbirli dodada «Ońtústik» óńirlik qolbasshylyǵyna qarasty áskerı bólimderden 9 komanda, onyń ishinde 27 áskerı qyzmetshi baq synasty. Eki kúnge josparlanǵan jarys barysy jekelegen jáne komandalyq eseptiń birinshiliginde qyzý tartysty boldy. Áskerı sportshylar granatany qashyqtyqqa laqtyrýdan saıysqa túsip, oq atý jattyǵýlaryn oryndady.

Jalpy áskerı jattyǵýlar kesheninde 400 metr qashyqtyqqa kedergiler jolaǵynan júgirip ótý jarysy da bar.

Saıystyń qorytyndysy boıynsha Shymkent garnızonyndaǵy mehanıkalandyrylǵan brıgadanyń áskerı qyzmetshileri jekelegen jáne komandalyq esepte úzdik nátıjesimen bas júlde alyp, jeńiske jetti. Jekelegen esepte jeńimpaz ataǵyn serjant Ásilbek Qarabaıǵa berildi.

MADIAR BABAHANOV, KOMANDANYŃ BAS BAPKERİ, MAIOR
- Oqýda qıyn – urysta ońaı demekshi, biz bul saıysqa jaýyngerlik daıyndyq josparyna sáıkes eki aı boıy tynymsyz daıyndaldyq. Osyndaı jigitterdiń jeńiske degen umtylysy jáne garnızon basshylyǵynyń qoldaýymen jeńiske jetip otyrmyz. Aldaǵy ýaqytta ótetin Qarýly Kúshterdiń chempıonatynda da jeńimpaz atanýǵa bar kúsh-jigerimizdi salamyz.

Jeńimpaz atanǵan Shymkent garnızonynyń komandasy aǵymdaǵy jyldyń 22-25 qyrkúıegi aralyǵynda Almaty qalasynda ótetin Qarýly Kúshterdiń chempıonatynda «Ońtústik» óńirlik qolbasshylyǵynyń namysyn qorǵaıtyn bolady.