Shymkent qalasy qorǵanys isteri jónindegi departamentinde qyzmet atqaratyn 20-ǵa jýyq ofıseri qyzmettik isin, kásibı biliktiligin baǵalaý jáne kásibı áleýetin damytý, olardyń atqaryp otyrǵan áskerı laýazymdaryna sáıkestigin jáne odan ári qyzmette paıdalaný perspektıvalaryn aıqyndaý maqsatynda atestattaýdan ótýde.

Atestattaý barysy departament bastyǵynyń birinshi orynbasary – shtab bastyǵy podpolkovnık Taýyrjan Smaǵulovtyń tóraǵalyǵymen ofıserler quramynyń moraldyq jáne psıhologıalyq qasıetterin zerdeleý, sondaı-aq áskerı qyzmetti reglamentteıtin zańnama erejelerin, jalpy áskerı jarǵylaryn jáne laýazymdyq mindetterin, sybaılas jemqorlyqqa qarsy is-qımyl týraly zańnamany bilýimen qatar, kásibı jáne dene daıyndyǵynan synaqtar tapsyrýy boıynsha tıisti deńgeıde uıymdastyryldy.

TAÝYRJAN SMAǴULOV, SHTAB BASTYǴY, PODPOLKOVNIK
– Atestattaýdan ótýdiń negizgi mindetteri árbir ofıserdiń kásibı, iskerlik jáne jeke qasıetterin, áleýetti múmkindikterin, onyń atqaryp otyrǵan laýazymǵa sáıkes kelýin anyqtaý, sondaı-aq jetildirý men nyǵaıtýdy qajet etetin ofıserler korpýsynyń osal tustaryn aıqyndaýdan turady. Sonymen birge, atestattaý jańa anaǵurlym kúrdeli kásibı tapsyrmalarǵa ázir áskerı qyzmetshilerdiń ári qaraıǵy mansaptyq ósýine jańa perspektıvalar ashady.

Aıta ketsek, elimizdiń Qarýly Kúshterindegi atestattaý mindetti túrde úsh jylda bir ret uıymdastyrylady. Oǵan barlyq sanattaǵy ofıserler quramy qatystyrylady.