Qazaqstandyq sportshylar bokstan Dýbaıda ótken jastar men jasóspirimder arasyndaǵy Azıa chempıonatynda jalpykomandalyq esep boıynsha kósh bastady.

Elimizdiń qorjyny 19 altyn, 15 kúmis jáne 15 qola medalmen tolyqty. Júldegerlerdiń arasynda shymkent sportshylary 2 altyn men bir kúmisti qanjyǵasyna baılady.

Shymkenttikter bokstan Dýbaıda ótken jastar men jasóspirimder arasyndaǵy Azıa chempıonatynyń júldegerin asa qurmetpen qarsy aldy. 18 jastaǵy Abzal Serik 67 keli salmaqta Azıa chempıony atandy. Aqtyq márede qarsylasy ózbekstandyq sportshydan basym túsken Abzal bul jeti jylda jınaǵan tájirıbem jáne baǵyt-baǵdar bergen jattyqtyrýshylarymnyń eńbeginiń jemisi deıdi.

Qazaqstannan artyq el joq eken sony túsindik. Búgin mine qurmet kórsetken barsha jerlesterime, jattyqtyrýshym Qurban aǵaıǵa, meni tárbıelegen ata-anama alǵysymdy bildiremin. Alda eresekter arasynda chempıonat ótedi. Soǵan ter tógemiz.
Qazaqstandyq boksshylar 19 altyn, 15 kúmis jáne 15 qola medalmen Azıa chempıonatynda jalpy komandalyq esep boıynsha birinshi oryndy jeńip aldy.

Erler komandasyndaǵy 8 sportshy altyn alsa, boksshy qyzdar 12 medaldi qanjyǵasyna baılady. Jerlesterimiz Dıana Maǵaýıaeva altyn medalge qol jetkizse, Dana Dıdaı kúmis medal ıegeri atandy.

Qalalyq boks klýbynyń sportshylary Azıa chempıonatynda eki altyn jáne bir kúmis jeńip aldy. Mine Abzal 67 kelide. 75 keli salmaqta qyzymyz Dana Dıdaı , jáne joǵary salmaqta 80+80-de taǵy bir qyzymyz Dıana Maǵaýıaeva jeńiske jetti- Birinshi oryndy jeńip aldy.

17 -30 tamyz aralyǵynda bokstan ótken Azıa chempıonaty qazaqstandyq sportshylar úshin jemisti boldy. Jas býynnyń alda eresekter arasynda ótetin baıraqty báskelerde bıikten kórinetinine jattyqtyrýshalary senimdi.