Elorda Nur Sultanda Iýnýs Emre atyndaǵy  túrik mádenı ortalyǵynyń  uıymdastyrýymen  «Oqýshylarymyzdyń qylqalamymen Túrkıa» atty sýret kórmesiniń tusaýkeseri ótedi. Kórme túrik aqyny jáne oıshyly Iýnýs Emreniń ómirden ozǵanyna 700 jyl tolýyna jáne  2021 jyly túrikshe jylyna oraı ótkiziledi.  

Qazaq halqynyń «altyn shyqqan jerdi belden qaz» degen tamasha maqaly bar. Baýyrlas eki el arasyndaǵy mádenı qarym –qatynastyń órbip damýyna ózindik úlesin qosyp kele jatqan Iýnýs Emre atyndaǵy túrik mádenıt ortalyǵy árdaıym Qazaqstan jastaryna qoldaý bolyp keledi. Ortalyq oqýshylardyń tvorchestvolyq jaǵynan damýyna, talanttaryn shyńdaýlaryna qol úshin beredi. 2019 jyly Elbasy Nursultan Nazarbaev tarapynan  jarıalanǵan Jastar jyly aıasynda ortalyq oqýshysy Nazerke Kemelbaevanyń «Qazaqstandyqtardyń kózimen Túrkıa» atty jeke sýret kórmesin uıymdastyrǵan bolatyn. Oqýshylar tek qana til úırenip qoımaı, ortalyqta Túrkıanyń mádenıeti men óneri, salt –dástúrin de jaqynnan tanyp bile alady.

Túrkıanyń Qazaqstandaǵy Elshiliginiń qoldaýymen ótetin kórmede ortalyqtyń oqýshysy úsh Qazaqstan azamatynyń 35 kartınasy elorda halqynyń nazaryna usynylady. Kórmeniń ashylý saltanatyna Túrkıanyń Qazaqstandaǵy Tótenshe jáne Ókiletti Elshisi, dıplomatıalyq korpýs ókilderi, QR Parlament depýtattary, zıaly qaýym ókilderi men sýret ónerine súıetin qaýym  qatysady.

25 qarashada saǵat 15.00-te Han shatyr OSO-da  ótetin sýret kórmesiniń tusaýkeserine Nur Sultan qalasy turǵyndary men qala qonaqtaryn shaqyramyz.

Jas sýretshi jáne Iýnýs Emre túrik mádenıet ortalyǵy oqýshysy Alıa SULTANOVA:

«Sýret salýmen bala kezden aınalysamyn. 5 synypta Abaı Qunanbaevtyń sýretin salǵan edim. 2020 jyldan bastap Iýnýs Emre atyndaǵy túrik mádenı ortalyǵynda oqyp jatyrmyn.

Ortalyq maǵan Túrkıa taqyrybyndaǵy kartınalarymdy kórmege qoıýyma  múmkindik berdi.Men úshin bul úlken tájirıbe, Túrkıany kópshilik biletin tusynan emes, basqa da qyrlarynan kórsetkim keldi. Túrkıany kópshilik Galata munarasy, Sultanahmet meshiti, Bazılıka sısternasy arqyly tanyp biledi. Túrkıa- ádemi ádet-ǵuryptary men umytylmas tarıhy bar tańǵajaıyp el.

Kórmege qoıylatyn sýretterimde  men Túrkıany halyq bıi «zeıbek», «dárýish bıi», Taksım tramvaıy, túrik shaıy men kofe dástúri, túrik áıelderiniń kúndelikti isteri, ulttyq toqash «sımıt», Atatúrik portreti arqyly beıneledim. Kórmege 16  shyǵarmammen qatysamyn. Kartınalarym arqyly Túrkıanyń salt dástúri men mádenıetin qolymnan kelgenshe tanystyrýǵa tyrystym.»

Jas sýretshi jáne Iýnýs Emre túrik mádenıet ortalyǵy oqýshysy Nellı ÚRKENOVA:

«Sýretshiniń shyǵarmalary – sýretshiniń ishki oıynyń aınasy. Men jalpy  álemge degen kózqarasymdy adamdarmen bóliskendi unatamyn. Iýnýs Emre atyndaǵy túrik mádenıet ortalyǵy armanymdy júzege asyrýǵa tamasha múmkindik berdi.

Kórme taqyryby bolyp otyrǵan Túrkıa -súıikti elderimniń biri. Meshitterge degen yqylasym erekshe, al Túrkıadaǵy  meshitter óte erekshe. Sondyqtan kartınalarymnyń kópshiligi meshit taqyrybyna arnalǵan. Túrkıa – kóp ǵasyrlyq mádenıeti, dana dástúrleri,  dámdi jáne alýan túrli táttilerimen tanylǵan uly el. Kórme arqyly osy eldiń ulylyǵyn adamdar kóbirek sezinse eken deımin.

Iýnýs Emre atyndaǵy túrik mádenıet ortalyǵy Qazaqstan men Túrkıa arasyndaǵy kópir ispettes, ortalyqtyń arqasynda biz bir-birimizben aralasyp, tájirıbe jáne bilimimizdi almasamyz. Kórmege  «Kúnniń batýy», «Oralǵyń keletin qala», «Úıdegi jaılylyq pen jylýlyq», «Stambul - izdegeniń tabylatyn qala»  jáne t.b  kartınalarymmen qatysamyn».

Jas sýretshi jáne Iýnýs Emre túrik mádenıet ortalyǵy oqýshysy  Aınur MÝRZAHMETOVA:

«Buryn men osy tamasha ári kórikti eldiń qalalaryna baryp, erekshelikterine tań qalatynmyn. Túrik mádenıeti baı jáne kópqyrly bolǵany sonshalyqty, men úshin ol qandaı da bir qarapaıym anyqtamanyń sheńberine syımaıdy.

Ár qalasynyń buryshtarynda baýyrlas halyqtyń tutas tarıhy bar, syrlar men qupıalarǵa qanyq kóne zaman atmosferasy, tabıǵat pen daryndy sheberlerdiń qolynan jasalǵan erekshe jaýharlardy kezdestirýge bolady. Bul mádenıetpen ózim oqyǵan Iýnýs Emre atyndaǵy túrik mádenıet ortalyǵynyń arqasynda tanystym.

Túrkıa– jaǵymdy emosıalarǵa, dámdi taǵamdarǵa, meıirimdi jáne elgezek adamdarǵa, tańǵajaıyp bıler men táttilerge toly el. Kórmede meniń «Dárýish», «Túrik shaıy», «Baklava», «Túrik aıaq kıimi», «Kóz monshaq», «Galata munarasy» jáne  «Stambulda kúnniń batýy» atty kartınalarym qoıylady».

Qurmetpen,

Iýnýs Emre túrik mádenıeti