Shymkent qalasynyń aýyl sharýashylyǵy jáne veterınarıa basqarmasy jáne qalalyq kásipkerler palatasynyń uıymdastyrýymen «İsker qala» baǵdarlamasy men AÓK memlekettik qoldaý sharalaryn túsindirý boıynsha semınar ótti.

Semınarda qala sheginde baqsha qulpynaıynyń (Fragaria x ananassa) ıntegrasıalanǵan óndirisiniń «ınovasıalyq ádisteri» jobasy praktıkalyq negizde kórsetildi.

Bul joba qala halqyn qulpynaı ónimderimen qamtamasyz etip, úı irgelik jerlerdi ıgerip, qala halqynyń tabysyn arttyrý maqsatynda qolǵa alyndy.

Bıyl alǵash ret 0,5 ga jerge ǵylym men tehnıkalyq jetistikterdi qoldaný arqyly «Alba» jáne «Klırı» suryptary egilgen. Qazirgi ýaqytta qulpynaı ónimderiniń 70-90% jeke qosalqy sharýashylyqtarda egiledi. Alaıda, zamanaýı tehnologıalardy qoldaný múmkin bolmaýyna baılanysty ónimdilik tómen jáne tek maýsym aralyq merzimde ǵana ósiriledi. Qazaqstan boıynsha qulpynaı bıznesi damymaǵan. Naryqta negizinen Túrkıadan ákelinetin ımporttyq qulpynaılar saýda sórelerinen tabylady.

Mamandar qazirgi ýaqytta jıdek daqyldarynyń, onyń ishinde baqsha qulpynaıynyń assortımentin keńeıtý jáne ónimdiligin arttyrý problemasy óte ótkir ekenin aıtady. Sondyqtan osy jobany júzege asyrý arqyly qala halqyn otandyq ónimmen qamtý múmkindigi artpaq. Joba nátıjeleri qaladaǵy fermerlik sharýashylyqtarda engiziletin bolady.