Parıj qalasynda ótken IýNESKO-nyń 41-shi Bas konferensıasynyń arnaıy sheshimimen  2022-2023 jyldarǵa arnalǵan halyqaralyq mereıtoılar tizimi qabyldanyp, oǵan Qazaqstannyń usynysymen tiltanýshy, ádebıetshi Ahmet Baıtursynulynyń 150 jyldyǵy jáne ánshi Roza Baǵlanovanyń 100 jyldyǵy endi.

Qazaqstannyń Fransıadaǵy Elshisi jáne IýNESKO janyndaǵy Turaqty ókili Jan Ǵalıev Bas konferensıaǵa usynystarymyzdy qoldaǵany úshin alǵys bildirip, múshe memleketterdi jáne Uıym hatshylyǵyn atalǵan mereıtoılar aıasynda elimizde jáne shetelde ótkizilýi josparlanyp otyrǵan is-sharalarǵa qatysýǵa shaqyrdy.

Jalpy, 2022-2023 jyldarǵa arnalǵan tizimge Uıymǵa múshe memleketter usynǵan 67 mereıtoı kirdi.

Budan basqa, Bas konferensıa aıasynda jasyryn daýys berý nátıjeleri boıynsha Qazaqstan 2021-2025 jyldar kezeńine IýNESKO-nyń eki sýbsıdıarlyq organdarynyń, atap aıtqanda, Halyqaralyq gıdrologıalyq baǵdarlamanyń (HGB) jáne Komýnıkasıany damytýdyń halyqaralyq baǵdarlamasynyń (HBÚK) úkimetaralyq keńestiriniń quramyna saılandy. IýNESKO-ǵa múshe memleketter Qazaqstanǵa bildirgen senimi elimizdiń Uıym qyzmetine qosyp júrgen mazmundy úlesin taný bolyp tabylady.

Birtýar tulǵa Ahmet Baıtursynuly jaıynda "Qazaqstan" telearnasy túsirgen "Ahmet. Ult ustazy" týyndysy jaqyn arada kórermenge jol tartpaq.