Bul týraly búgin Shymkent qalasynyń ákimi Murat Áıtenov Tuńǵysh Prezıdent kúnine oraı ótken «El tiregi - Elbasy» atty merekelik shara barysynda aıtty.

«1991 jylǵy 1 jeltoqsanda ótken alǵashqy jalpyhalyqtyq saılaýda Nursultan Ábishuly Nazarbaev qazaqstandyqtardyń 98,7 paıyzdyq qoldaýymen Qazaqstan Respýblıkasynyń Prezıdenti mandatyn ıelendi. Qazaq halqynyń ǵasyrlar boıy ańsaǵan Táýelsiz el bolý úmiti qaıta jandy. Sheshýshi sátte el tizginin alǵan Nursultan Ábishuly, osydan 30 jyl buryn kedergini – múmkindikke, táýekeldi – tabysqa aınaldyrdy. Osylaısha qazaq halqy memlekettik Táýelsizdigin jarıalap, asqaq armanǵa qol jetkizdi»,-dedi ákim.

Saltanatty jıynda sóılegen sózinde qala basshysy 30 jyl buryn Memlekettik Týymyz tuǵyrǵa qonyp, Eltańba men Gımn – maqtanyshymyz bolyp bekitilgenin atap ótti. Sonymen birge Konstıtýsıamyz qabyldanyp, memlekettik qurylymnyń negizderi aıqyndalǵanyn jetkizdi.

Eń bastysy, Qazaqstannyń Tuńǵysh Prezıdenti el tarıhynda alǵash ret zań júzinde rásimdelgen jáne álem moıyndaǵan 13 400 shaqyrymdyq memlekettik shekarany bekitti. El shebin qorǵaý, memleket tutastyǵyn saqtaý úshin Qazaqstannyń Qarýly Kúshterin qurǵanyn aıtty.

Shymkent qalasy ákimdiginiń baspasóz qyzmeti