Densaýlyq saqtaý birinshi vıse-mınıstri Marat Shoranov úkimet otyrysynda "Omıkron" shtamynyń paıda bolýyna baılanysty elde birqatar shekteý sharalary kúsheıtiletinin habarlady.

– Koronavırýstyq ınfeksıa "Omıkron" shtamynyń jańa nusqasy paıda bolýyn eskere otyryp, ony respýblıka aýmaǵyna ákelýge jol bermeý maqsatynda vedomstvoaralyq komısıa 3 jeltoqsannan bastap shekteý sharalaryn engizý týraly sheshim qabyldady, – dedi M. Shoranov.

Engiziletin shekteý is-sharalary tómendegideı:

• Botsvana, Lesoto, Namıbıa, Zımbabve, Mozambık, Madagaskar, Esvatını, Malavı, Ontústik Afrıka, Tanzanıa jáne Gonkongtan shetel azamattarynyń Qazaqstanǵa kelýine shekteý qoıylady;
• "Omıkron" nusqasynan týyndaǵan KVI jaǵdaılary anyqtalǵan Izraıl, Chehıa, Nıderlandy, Belgıa, Ulybrıtanıa, Italıa, Germanıa, Avstralıa, Kanada jáne Egıpetten keletin adamdar úshin vaksınasıasy bar-joǵyna qaramastan mindetti PTR testileýdiń bar bolýy engiziledi;
• "Omıkron"-nan týyndaǵan KVI jaǵdaılary anyqtalǵan elderden kelgen adamdar PTR nátıjesine qaramastan 7 kúnge úı karantınine oqshaýlanady.