Reseı prezıdenti Vladımır Pýtın Ýkraınadaǵy soǵysqa aralasqysy keletin kez kelgen el qatal jaýapqa tap bolatynyn eskertti. Bul týraly BBC habarlady.
"Bizde eshkimde joq barlyq quraldar bar... qajet bolsa, biz olardy qoldanamyz" deıdi ol.
Basylym Pýtın osy arqyly balıstıkalyq zymyrandar men ıadrolyq qarýlardy meńzep otyrǵan bolýy múmkin dep jazady.
Batys elderi Ýkraınanyń Reseıdi jeńetinine ýáde berip, qarý-jaraq jetkizýdi kúsheıtken. Olar Reseı Ýkraınanyń shyǵysyndaǵy maqsattarynda sátsizikke ushyrap jatqanyn aıtady.
Ótken aptada Reseı Kıevtiń tóńiregindegi aýdandardan shyǵyp, Donbass aımaǵyn basyp alý úshin aýqymdy shabýylǵa kirisken.
Batystyq áskerı sarapshylardyń pikirinshe, reseılik kúshter Ýkraınanyń tabandy qarsylyǵyna tap bolyp, shyǵynǵa ushyrap jatyr.
Pikir qaldyrý