SHQO – serpindi jobalar, ınovasıalyq tehnologıalar, joǵary kórsetkishter men reformalar, batyl ıdeıalardy iske asyrýda kópke úlgi bolyp otyrǵan óńirlerdiń biri. Oblysta densaýlyq saqtaý salasyna da orasan kóńil bólinip, bolashaqtyń medısınasy qalyptasýda.

Oblystaǵy dárigerler Ulybrıtanıa, Fransıa, Italıa, Izraıl, Túrkıa syndy medısına salasy ozyq elderde biliktilikterin ushtap, bilimderin jetildirýde. Óńirdegi aýrýhanalar men emhanalar zamanaýı quraldarmen jabdyqtalyp, turǵyndardyń  saýlyǵyna basa nazar aýdarýda. Sonyń biri retinde aımaqtaǵy medısınalyq mekemeler biregeı sıfrlyq dıagnostıkalyq derekterdi saqtaýǵa arnalǵan PACS júıesine qosylýyn aıtýǵa bolady.

Endi turǵyndar ózderimen birge rentgen jáne KT nátıjelerin tasyp júrmeıdi, onyń barlyǵy avtomatty túrde PACS biryńǵaı júıesinde tirkeledi. Dárigerler júıege mobıldi qosymsha arqyly qol jetkize alady. Bul – medısına salasyndaǵy óte mańyzdy qadam.

PACS júıesi pasıenttiń dárigerge qaralýyn edáýir jeńildetedi. Aýdanda tekserýden ótken naýqasqa KT nemese rentgen qaǵazdaryn súırep, qalaǵa sabylýdyń qajeti joq. Óskemendegi onko­logıalyq ortalyqta sıfrly dıag­nos­tıkalyq beınelerdi saqtaýǵa jáne mu­raǵattaýǵa arnalǵan PACS júıesi ju­mys istep tur. Sonyń bazasynda keńes qury­lyp, quramyna pýlmonologtar, ftızıatrlar, onkologtar, travmatologtar jáne basqa da mamandar kiredi.

Bul – qazirgi zamanǵy joǵary tehnologıalyq medısınalyq kómekti damytýdaǵy úlken serpilis. Eń bastysy, júıe pasıentterdi ártúrli klınıkalarǵa barýǵa májbúr etpeı, ýaqytta únemdeıdi. Júıeniń ishinde barlyq test nátıjeleri, rentgen jáne MRT sýretteri jáne basqalary saqtalǵan. Demek naýqas týraly keńeıtilgen aqparat dárigerdiń aldynda bolady. Bul – naýqastarǵa dıagnoz qoıýǵa múmkindik beretin jasandy ıntellekt.