Bıyl SHQO-da sharýalar kúnniń kúrt jylýyna baılanysty egis jumystaryn jyldaǵydan erte bastady. 2022 jyly aýyl sharýashylyǵy daqyldarynyń egis alańy 1393,3 myń ga qurap,  ótken jylmen salystyrǵanda dıqandar ıgeretin alqaptar kólemi 14,6 myń ga artty.

Bıyl sharýalarǵa memleket tarapynan  bólingen sýbsıdıa kólemi edáýir artyp, berekeli eńbek etýge yntalandyryp otyr. Kóktemgi egis jáne egin jınaý jumystary nátıjeli júrgizý úshin aǵymdaǵy jyly oblystyq búdjetten 6 mıllıard teńge sýbsıdıa bólindi. Óz kezeginde  bul 2021 jylǵy deńgeıden 577 mıllıon teńgege artyq.

Óńirde dándi jáne dándi-burshaqty daqyldar 601,9 myń ga, onyń ishinde kúzdik daqyldar 36,5 myń ga, maıly daqyldar 484,7 myń ga, azyqtyq daqyldar 274,4 myń ga, kartop 19 myń ga, kókónister men baqsha ónimderi 13,3 myń gektar jerge ekti.

2022 jyldyń ónimine barlyq daqyldardyń tuqymyn sebý kólemi 109,9 myń tonnany qurady. Oblys agrarııleri kóktemgi dala jumystary qarsańynda dándi, burshaq daqyldary jáne kartop tuqymdarymen tolyq qamtamasyz etilgen.

Sonymen qatar kóktemgi dala jumystary bastalǵanǵa deıin barlyq tuqym materıaly sapa kórsetkishteri boıynsha tekserilgen bolatyn. Kóktemgi egis jumystarynyń bastalýyna oblys sharýashylyqtarynda traktorlar, egis jáne topyraq óńdeý tehnıkalary tolyq daıyndyqpen keldi.

Belgilengen jumys kólemin oryndaý úshin Pavlodar munaı óńdeý zaýytynan tonnasyna 212 myń teńge (180,0 teńge/lıtr) bosatý baǵasy boıynsha 33 myń tonna arzandatylǵan dızel otyny bólindi. Bólingen 33 myń tonna dızel otynynyń kóleminen naýryz aıyna 5 myń tonna, sáýir aıyna 12 myń tonna, mamyr aıyna 11 myń tonna jáne maýsym aıyna 5 myń tonna bólinbek. Operatorlar úshin satý baǵasy 1 lıtr úshin 198-den 205 teńgege deıin bolady.